வாஷிங்டன், டிச.23 - பாகிஸ்தானில் ரகசிய அணு உலை உள்ளதாக அமெரிக்க அமைப்பு புகார் தெரிவித்துள்ளது. தெற்கு இஸ்லாமாபாத்தில் பாகிஸ்தான் ரகசியமாக அமைத்து வரும் 4_வது அணு உலையின் கட்டுமானப் பணிகள் முடியும் நிலையில் உள்ளதாக அமெரிக்காவின் அறிவியல் மற்றும் உள்நாட்டு பாதுகாப்பு அமைப்பு தெரிவித்துள்ளது. இந்த அணு உலையில் அணு ஆயுதங்களை உருவாக்குவதற்கான மூலப்பொருள் தயாரிக்க பாகிஸ்தான் திட்டமிட்டுள்ள தாகவும் அந்த அமைப்பு குற்றம் சாட்டியுள்ளது. 

பாகிஸ்தான் கட்டி வரும் அணு உலையை செயற்கைகோள் உதவியுடன் அமெரிக்க அமைப்பு பல ஆண்டுகளாக கண்காணித்து வருகிறது. இதையடுத்து அந்த அமைப்பு வெளியிட்டுள்ள அறிக்கையில் கடந்த நவம்பர் மாதம் எடுக்கப்பட்ட செயற்கைகோள் படத்தில் 4_வது அணு உலை  பணிகள் முடியும் தருவாயில் உள்ளது தெரியவந்துள்ளது என்று அந்த அமைப்பு தெரிவித்துள்ளது.