முக்கிய செய்திகள்
Idhayam Matrimony

வேலூர் கிழக்கு மாவட்ட அ.தி.மு.க. செயலாளர் நியமனம்

வியாழக்கிழமை, 16 ஜூன் 2011      தமிழகம்
Image Unavailable

 

சென்னை, ஜூன்16 - வேலூர் கிழக்கு மாவட்ட அ.தி.மு.க. செயலாளராக முன்னாள் அமைச்சர் இரா.வில்வநாதன் நியமிக்கப்பட்டுள்ளார். இது குறித்து முதல்வரும், அ.தி.மு.க பொதுச்செயலாளருமான ஜெயலலிதா வெளியிட்டுள்ள அறிக்கை வருமாறு:-

வேலூர் கிழக்கு மாவட்டச் செயலாளர் பொறுப்பில் இருக்கும் கே.சிவசங்கரன், வேலூர் கிழக்கு மாவட்ட எம்.ஜி.ஆர். இளைஞர் அணிச்செயலாளர் பொறுப்பில் இருக்கும் வி.அருணாபதி, சோளிங்கர் சட்டமன்றத் தொகுதிச் செயலாளர் பொறுப்பில் இருக்கும் இரா.வில்வநாதன் ஆகியோர் அவரவர் வகித்து வரும் பொறுப்புகளில் இருந்து விடுவிக்கப்படுகிறார்கள்.

வேலூர் கிழக்கு மாவட்டச் செயலாளராக இரா.வில்வநாதன் (முன்னாள் அமைச்சர்), வேலூர் கிழக்கு மாவட்ட எம்.ஜி.ஆர். மன்ற இணைச் செயலாளராக கே.சிவசங்கரன், (காந்திநகர், காட்பாடி), வேலூர் கிழக்கு மாவட்ட எம்.ஜி.ஆர். அணிச்செயலாளராக சி.ஏழுமலை (சுமைதாங்கி ஊராட்சி மன்றத் தலைவர்), சோளிங்கர் சட்டமன்றத் தொகுதிச் செயலாளராக சி.கோபால் (முன்னாள் நாடாளுமன்ற உறுப்பினர்) ஆகியோர் நியமிக்கப்படுகிறார்கள்.

இவ்வாறு ஜெயலலிதா அறிவித்துள்ளார்.

இதை ஷேர் செய்திடுங்கள்:

Idhayam Matrimony