முக்கிய செய்திகள்
Idhayam Matrimony

அமைச்சரவை கூட்டத்தை புறக்கணித்த 6 அமைச்சர்கள்

வெள்ளிக்கிழமை, 17 ஜூன் 2011      அரசியல்
Image Unavailable

 

ஐதராபாத், ஜுன் 17 - ஆந்திர அமைச்சரவை கூட்டத்தை தெலுங்கானா பகுதியைச் சேர்ந்த 6 அமைச்சர்கள் நேற்று புறக்கணித்தனர். ஆந்திர அமைச்சரவையின் முக்கிய கூட்டம் அம்மாநில முதல்வர் கிரன்குமார் ரெட்டி தலைமையில் நேற்று ஐதராபாத்தில் கூடியது. இந்த கூட்டத்தை தெலுங்கானா பகுதியைச் சேர்ந்த 6 அமைச்சர்கள் புறக்கணித்தனர். இவர்கள் 6 பேரும் டெல்லியில் தங்கியுள்ளனர். மத்திய அமைச்சர்கள் மற்றும் மூத்த காங்கிரஸ் தலைவர்கள் ஆகியோரை சந்தித்து தெலுங்கானா பிரச்சனை குறித்து இந்த 6 அமைச்சர்களும் பேச்சுவார்த்தை நடத்தி வருகிறார்கள். இதேபோல மத்திய அமைச்சர்களை சந்திப்பதற்காக டெல்லி சென்ற தெலுங்கானா பகுதியைச் சேர்ந்த மேலும் 4 அமைச்சர்கள் அங்கிருந்து திரும்பி ஐதராபாத் வந்தனர். இவர்கள் 4 பேரும் நேற்றைய அமைச்சரவை கூட்டத்தில் பங்கேற்றனர். ஆனால் மற்ற 6 அமைச்சர்கள் மட்டும் அமைச்சரவை கூட்டத்திற்கு வரவேயில்லை. 

இதற்கு முன்பு நடந்த அமைச்சரவை கூட்டத்தைக் கூட சில தெலுங்கானா அமைச்சர்கள் ஏற்கனவே புறக்கணித்துள்ளனர். ஆனால் அதிகமான அமைச்சர்கள் அமைச்சரவை கூட்டத்தை புறக்கணித்தது இதுதான் முதல்முறை என்று கூறப்படுகிறது. ஜனாரெட்டி, பொன்னால லெட்சுமய்யா, கோமதி ரெட்டி வெங்கட் ரெட்டி, ஸ்ரீதர் பாபு, சுதர்ஷன் ரெட்டி, பாசுராஜ் சரய்யா ஆகிய இந்த 6 அமைச்சர்களும் நேற்றைய அமைச்சரவை கூட்டத்தை புறக்கணித்தவர்கள் ஆவார்கள். 

தனி தெலுங்கானா பிரச்சனையில் இன்னும் தெளிவான முடிவு எதையும் அறிவிக்கவில்லை. இதனால் இந்த பிரச்சனைக்கு விரைவில் தீர்வுகாண தெலுங்கானா பகுதியைச் சேர்ந்த மாநில அமைச்சர்கள், எம்.எல்.ஏ.க்கள் ஆகியோர் தீவிரமான நடவடிக்கைகளில் ஈடுபட்டு வருகின்றனர். அதன் ஒருபகுதியாகத்தான் ஆந்திர அமைச்சர்கள் பலர் அடிக்கடி டெல்லி சென்று மத்திய அமைச்சர்களையும் மூத்த காங்கிரஸ் தலைவர்களையும் சந்தித்து பேசி வருகின்றனர் என்பது குறிப்பிடத்தக்கது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 1 year 2 weeks ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 1 year 2 weeks ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 1 year 1 month ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 1 year 1 month ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 3 months ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 3 months ago
more

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.