காங். தலைவர் சோனியா இந்தியா திரும்புகிறார்

புது டெல்லி,செப்.7 - அமெரிக்காவில் சிகிச்சை பெற்று வரும் காங்கிரஸ் கட்சி தலைவர் சோனியா காந்தி இன்னும் ஓரிரு நாளில் இந்தியா திரும்பு உள்ளார்.  சில தினங்களுக்கு முன் அமெரிக்கா சென்ற காங்கிரஸ் பொதுச் செயலாளர் ராகுல் காந்தி சோனியாவை சந்தித்து விட்டு கடந்த 4 ம் தேதி இந்தியா திரும்பினார். அப்போது காங்கிரஸ் மூத்த தலைவர்களிடம் இந்த தகவலை அவர் தெரிவித்ததாக கட்சி வட்டாரங்கள் தெரிவித்தன.
அறுவை சிகிச்சைக்காக அமெரிக்கா சென்ற சோனியாவுடன், அவரது மகள் பிரியங்காவும் சென்றிருந்தார். சிகிச்சைக்கு பிறகு சோனியாவின் உடல் நிலை தேறியதை அடுத்து 10 நாட்களுக்கு முன் பிரியங்கா இந்தியா திரும்பினார். இந்த நிலையில் இன்னும் ஓரிரு நாளில் அவர் இந்தியா திரும்பலாம் என்று எதிர்பார்க்கப்படுகிறது.