சங்கரன்கோவிலில் கருணாநிதி இன்று பிரச்சாரம்

திருநெல்வேலி, மார்ச்.15 - சங்கரன்கோவில் தொகுதியில் தி.மு.க. வேட்பாளர் ஜவஹர் சூரியகுமாரை ஆதரித்து இன்று அக்கட்சியின் தலைவர் மு. கருணாநிதி பிரச்சாரம் மேற்கொள்கிறார். சங்கரன்கோவில் வடக்கு ரத வீதி, மேல ரத வீதி சந்திப்பில் மாலையில் தி.மு.க கூட்டணி சார்பில் நடைபெறவுள்ள பிரச்சார கூட்டத்தில் அவர் பேசுகிறார். தமிழ்நாடு காங்கிரஸ் கமிட்டி தலைவர் ஞானதேசிகன், விடுதலை சிறுத்தைகள் கட்சி தலைவர் தொல். திருமாவளவன், இந்திய யூனியன் முஸ்லீம் லீக் மாநில தலைவர் காஜா மொய்தீன், மூவேந்தர் முன்னேற்ற கழக தலைவர் ஸ்ரீதர்வாண்டையார் உள்ளிட்டோர் கலந்து கொள்கிறார்கள். 

கூட்டத்துக்கு தி.முக. மண்டல அமைப்பு செயலாளர் மு.க. அழகிரி தலைமை வகிக்கிறார். பிரச்சாரத்துக்காக சென்னையில் இருந்து அனந்தபூர் விரைவு ரயில் மூலம் திருநெல்வேலி வருகிறார் கருணாநிதி. சங்கரன்கோவிலில் கட்சி பொருளாளர் மு.க. ஸ்டாலின் 2 நாட்களாக பிரச்சாரத்தில் ஈடுபட்டுள்ளார். 12 நாட்களுக்கு மேலாக தொகுதியில் முகாமிட்டு தேர்தல் பணிகளை மு.க. அழகிரி செய்து வருகிறார்.