ஊரக உள்ளாட்சி தேர்தல்: அ.தி.மு.க. இறுதி வேட்பாளர் பட்டியல் வெளியீடு

சென்னை : தமிழகத்தில் 9 மாவட்டங்களுக்கான ஊரக உள்ளாட்சி தேர்தலுக்கான முதல்கட்ட வேட்பாளர் பட்டியலை வெளியிட்ட அ.தி.மு.க. நேற்று  இறுதி வேட்பாளர் பட்டியலையும் வெளியிட்டது.

தமிழகத்தில் புதிதாக உருவாக்கப்பட்ட 9 மாவட்டங்களுக்கான ஊரக உள்ளாட்சி தேர்தல் அக்டோபர் 6 மற்றும் 9-ம் தேதிகளில் இரண்டு கட்டங்களாக நடைபெறுகிறது. இதற்கான வேட்புமனு தாக்கல் கடந்த 15-ம் தேதி துவங்கி இன்றுடன் முடிவடைகிறது. 

இத்தேர்தலில் பா.ம.க., நாம் தமிழர் கட்சி, மக்கள் நீதி மய்யம் உள்ளிட்ட கட்சிகள் தனித்து போட்டியிடுவதாக ஏற்கனவே அறிவித்து விட்டன. இடப்பங்கீடு தொடர்பாக, அ.தி.மு.க., - பா.ஜ.க., இடையே தொடர்ந்து பேச்சு நடந்தது. அதன் தொடர்ச்சியாக, அ.தி.மு.க., சார்பில் முதல் கட்ட வேட்பாளர் பட்டியல் நேற்று முன்தினம் வெளியிடப்பட்டது.

அதில், காஞ்சிபுரம், செங்கல்பட்டு, ராணிப்பேட்டை, விழுப்புரம், தென்காசி மாவட்டங்களில், மாவட்ட ஊராட்சி வார்டுகளுக்கான வேட்பாளர்களை அறிவித்தது. இந்நிலையில் நேற்று அ.தி.மு.க. சார்பில் இறுதி வேட்பாளர் பட்டியலும் வெளியிடப்பட்டுள்ளது.