34-வது நினைவு நாள்: எம்.ஜி.ஆர். நினைவிடத்தில் வருகிற 24-ம் தேதி டி.டி.வி. தினகரன் மரியாதை

எம்.ஜி.ஆரின் நினைவு நாளான வருகிற 24-ம் தேதி மெரினா கடற்கரையில் உள்ள எம்.ஜி.ஆர். நினைவிடத்தில் அ.ம.மு.க. பொதுச்செயலாளர் டி.டி.வி.தினகரன் மரியாதை செலுத்துகிறார்.

இது குறித்து அ.ம.மு.க. தலைமை கழகம் வெளியிட்டுள்ள அறிவிப்பில் கூறியிருப்பதாவது:-

எம்.ஜி.ஆரின் 34-வது நினைவு நாள் வருகிற 24-ம் தேதி (வெள்ளிக்கிழமை) கடைபிடிக்கப்படுகிறது. அன்றைய தினம் காலை 11 மணிக்கு மெரினா கடற்கரையில் உள்ள எம்.ஜி.ஆர். நினைவிடத்தில் அ.ம.மு.க. பொதுச்செயலாளர் டி.டி.வி. தினகரன் தலைமையில் மரியாதை செலுத்தப்படுகிறது.  இதில் தலைமை கழக நிர்வாகிகள், மாவட்ட செயலாளர்கள், மாவட்ட, பகுதி, ஒன்றிய, நகர, பேரூர், ஊராட்சி, வார்டு, வட்ட, கிளைக்கழக நிர்வாகிகள், தொண்டர்கள் கலந்து கொள்ள வேண்டும். இவ்வாறு அந்த அறிவிப்பில் கூறப்பட்டுள்ளது.