முக்கிய செய்திகள்
Idhayam Matrimony

காவிரியில் 4.88 டி.எம்.சி. தண்ணீர் திறந்துவிட உத்தரவு

வியாழக்கிழமை, 15 நவம்பர் 2012      இந்தியா
Image Unavailable

 

புதுடெல்லி,நவ.16 - காவரியில் மேலும் 4.88 தண்ணீர் திறந்துவிடுமாறு கர்நாடக மாநில அரசுக்கு காவிரி கண்காணிப்புக்குழு நேற்று உத்தரவிட்டது. தென்மேற்கு பருவமழை போதிய அளவு பெய்யவில்லை என்று காரணம் கூறி தமிழகத்திற்கு திறந்துவிட வேண்டிய தண்ணீரை கர்நாடகம் திறந்துவிடவில்லை. இதனால் காவரி டெல்டா பகுதியில் சுமார் 11 லட்சம் ஏக்கரில் நெல் சாகுபடி பாதித்தது. அதன் பின்னரும் இரண்டாவது சாகுபடிக்கு தண்ணீரை திறந்துவிட முடியாது என்று கர்நாடகம் பிடிவாதம் பிடித்தது. இதனையொட்டி தமிழக முதல்வர் ஜெயலலிதா காவிரி நிதி ஆணையத்தை உடனடியாக கூட்ட கோரி நடவடிக்கை எடுத்தார். சுப்ரீம்கோர்ட்டிலும் தமிழக அரசு சார்பாக வழக்கு தொடரப்பட்டது. பிரதமர் மன்மோகன் சிங் தலைமையிலான காவிரி நதிநீர் ஆணையத்தை கூட்டும்படி சுப்ரீம்கோர்ட்டு உத்தரவு பிறப்பித்தது. காவரி நதி ஆணையமானது காவரியில் தண்ணீர் திறந்துவிடுமாறு கர்நாடக அரசுக்கு உத்தரவிட்டது. இதை எதிர்த்து சுப்ரீம்கோர்ட்டில் கர்நாடக அரசு வழக்கு தொடர்ந்தது. இதற்கு கர்நாடக அரசுக்கு சுப்ரீம்கோர்ட்டு கண்டனம் தெரிவித்தது. முதலில் காவிரி ஆணைய உத்தரவை நிறைவேற்றுமாறு பணித்தது. இதனையடுத்து அடுத்த முறை திறந்துவிட வேண்டிய தண்ணீரை திறந்துவிடுமாறும் காவிரி கண்காணிப்புக்குழு உத்தரவிட்டது. மேலும் கடந்த ஜூன் மாதம் முதல் செப்டம்பர் மாதம் வரை கர்நாடகம் திறந்துவிட வேண்டிய 52.5 டி.எம்.சி.தண்ணீரை திறந்துவிட வேண்டும் என்று தமிழக அரசு, காவிரி கண்காணிப்புக்குழுவில் தமிழக அரசு மனுத்தாக்கல் செய்திருந்தது. இதற்கு பதில் மனு தாக்கல் செய்த கர்நாடக அரசு,நிலுவை நீரின் அளவை தமிழகம் தவறாகக் கணக்கிட்டுள்ளது. தமிழகத்தின் கோரிக்கை கடந்த மாதம் நடைபெற்ற காவிரி ஆணைய கூட்டத்தில் எடுக்கப்பட்ட முடிவுக்கு எதிரானது. அதனால் தமிழகம் கோரிய நீரை வழங்க முடியாது என்று கூறியிருந்தது. 

இந்தநிலையில் இன்று முதல் வரும் 30-ம் தேதி வரை காவிரியில் இருந்து தண்ணீர் திறந்துவிடுவது தொடர்பாக முடிவு செய்ய காவிரி கண்காணிப்புக்குழுக்கூட்டம் நேற்று புதுடெல்லியில் உள்ள ஷ்ரம் சக்தி பவனில் நடைபெற்றது. கூட்டத்திற்கு மத்திய நீர்வளத்துறை செயலாளரும் குழுவின் தலைவருமான துருவ் விஜய் சிங் தலைமை தாங்கினார். தமிழக தலைமை செயலாளர் தேவேந்திர நாத் சாரங்கி, கார்நாடக தலைமை செயலாளர் எஸ்.வி.ரங்கநாத், கேரளம், புதுவை ஆகிய மாநிலங்களின் உயரதிகாரிகளும் கலந்துகொண்டனர். கூட்டத்தில் இன்று முதல் வரும் நவம்பர் 30-ம் தேதி வரை காவிரியில் 4.88 டி.எம்.சி. தண்ணீர் திறந்துவிடுமாறு கர்நாடகத்திற்கு கண்காணிப்புக்குழு உத்தரவிட்டது. ஆனால் தமிழகத்திற்கு தரவேண்டிய நிலுவை தண்ணீர் 52.5 டி.எம்.சி. தண்ணீரை திறந்துவிடுவது குறித்து எந்த முடிவும் எடுக்கப்படவில்லை. கண்காணிப்புக்குழுக்கூட்டம் வரும் 28-ம் தேதி மீண்டும் நடைபெற உள்ளது. அப்போது இதுகுறித்து முடிவு செய்யலாம் என்று தெரிகிறது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 1 year 2 weeks ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 1 year 2 weeks ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 1 year 1 month ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 1 year 1 month ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 3 months ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 3 months ago

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.