குஜராத் வெற்றி: மோடிக்கு முதல்வர் ஜெயலலிதா வாழ்த்து

சென்னை, டிச.21 - குஜராத் சட்டமன்ற தேர்தலில் பா.ஜ.க. அமோக வெற்றி பெற்றதை பாராட்டி குஜராத் முதலமைச்சர் நரேந்திர மோடிக்கு தமிழக முதல்வர் ஜெயலலிதா வாழ்த்து தெரிவித்துள்ளார்.  தமிழ்நாடு முதலமைச்சர்  ஜெயலலிதா,  குஜராத் முதலமைச்சர் நரேந்திர மோடியை நேற்று (20.12.2012) தொலைபேசியில் தொடர்பு கொண்டு, அண்மையில் நடைபெற்ற குஜராத் சட்டமன்றப் பொதுத் தேர்தலில் அமோக வெற்றி பெற்றதற்கு தனது மனமார்ந்த பாராட்டுகளையும், வாழ்த்துகளையும் தெரிவித்துக் கொண்டார்.  

தொலைபேசி மூலம் தொடர்பு கொண்டு வாழ்த்து தெரிவித்த  தமிழ்நாடு முதலமைச்சர்  ஜெயலலிதாவுக்கு தனது மனமார்ந்த நன்றியினை குஜராத் முதலமைச்சர்  நரேந்திர மோடி தெரிவித்தார்.