தேர்வு முடிவுகள் வெளியிடப்படும் தேதி அறிவிப்பு

சென்னை, ஏப்.24 - தமிழகத்தில் பிளஸ் 2, 10-வது தேர்வு முடிவுகள் வரும் மே.14, மே.25-ந் தேதிகளில் வெளியாகும் என பள்ளி கல்விதுறை இயக்குநர் அறிவித்துள்ளார்.

 பிளஸ்​2 தேர்வு மார்ச் 2​ந்தேதி தொடங்கி 25​ந்தேதி முடிவடைந்தது. 7 லட்சத்து 74 ஆயிரத்து 205 மாணவ​ மாணவிகள் இந்த தேர்வை எழுதினார்கள். அவர்களில் 3 லட்சத்து 87 ஆயிரத்து 102 பேர் மாணவிகள். மாணவர்கள் 3 லட்சத்து 36 ஆயிரத்து 443 பேர். தனியாக 57 ஆயிரத்து 56 பேர் எழுதினார்கள். மொத்தம் 1,890 மையங்களில் பிளஸ்​2 தேர்வு நடந்தது. எஸ்.எஸ்.எல்.சி. தேர்வு மார்ச் 28​ந்தேதி தொடங்கி ஏப்ரல் 11​ந்தேதி முடிவடைந்தது. எஸ்.எஸ்.எல்.சி., மெட்ரிக், ஆங்கிலோ இந்தியன், ஒ.எஸ்.எல்.சி. தேர்வை 8 லட்சத்து 56 ஆயிரத்து 956 மாணவ​ மாணவிகள் எழுதினார்கள். தனியாக 97 ஆயிரத்து 655 பேர் இந்த தேர்வை எழுதினார்கள். பிளஸ்​2 விடைத்தாள் திருத்தும்பணி நடந்து முடிந்து விட்டது. மார்க் பட்டியல் கம்ப்யூட்டரில் பதிவு செய்யப்படுகிறது. எஸ்.எஸ். எல்.சி. தேர்வு தாள்கள் திருத்தும் பணி நடந்து வருகிறது. பிளஸ்​2 தேர்வு முடிவு மே மாதம் 14​ந்தேதி வெளியாகிறது. எஸ்.எஸ்.எல்.சி. முடிவுகள் மே 25​ந்தேதி வெளியிடப்படுகிறது. இதற்கான அறிவிப்பை பள்ளிக் கல்வித்துறை செயலாளர் சபீதா இன்று வெளியிட்டார். உலக புத்தக தினம் விழா சென்னை எழும்ர் கன்னி மாரா நூலகத்தில் நடைபெறுகிறது. இதற்கான 2 நாட்கள் கண்காட்சியை பள்ளிக் கல்வித்துறை செயலாளர் சபீதா இன்று தொடங்கி வைத்தார். அவரிடம் பத்திரிக்கையாளர்கள் பிளஸ்​2, எஸ்.எஸ்.எல்.சி. தேர்வு முடிவுகள் எப்போது வெளியிடப்படும் என்று கேட்டனர். அதற்கு சபீதா பதில் அளித்து கூறியதாவது:​ பிளஸ்​2 தேர்வு முடிவுகள் மே 14​ந்தேதி வெளியாகும். எஸ்.எஸ்.எல்.சி. தேர்வு முடிவுகள் மே 25​ந்தேதி வெளியிடப்படும். பிளஸ்​2 தேர்வு விடைத்தாள் திருத்தும் பணி நிறைவடைந்து விட்டன. எஸ்.எஸ். எல்.சி. விடைத்தாள் திருத்தும் பணி நடந்து வருகிறது. தேர்வு முடிவுகள் அரசு சார்பில் பள்ளிக்கல்வி இணைய தளத்தில் மட்டும் வெளியிடப்படுகிறது. இதில் ஒரே நேரத்தில் மாணவர்கள் முடிவை பார்க்க முயற்சிக்கும்போது, அது முடங்கி விடுகிறது. தேர்வு முடிவை உடனே அறிய முடியாமல் சிரமப்படுகின்றனர். மாணவர்கள்​பெற்றோரின் சிரமத்தை தவிர்க்க கூடுதலாக மேலும் சில இணைய தளங்களில் பிளஸ்​2, எஸ்.எஸ்.எல்.சி. தேர்வு முடிவுகளை வெளியிட பரிசீலனை செய்து வருகிறோம். இவ்வாறு அவர் கூறினார்.