வதந்தி தி பேபிள் ஆஃப் வெலோனி டிரையிலர் வெளியீடு

புஷ்கர் - காயத்ரியின் வால்வாட்சர் பிலிம்ஸ் தயாரிப்பில் உருவாகி இருக்கும் 'வதந்தி- பேபிள் ஆஃப் வெலோனி' எனும் வலைதள தொடரின் முன்னோட்டம் சமீபத்தில் வெளியிடப்பட்டது. ஆண்ட்ரூ லூயிஸ் இயக்கத்தில் தயாராகி இருக்கும் இத்தொடரில் வெலோனி எனும் கதாபாத்திரத்தில் புதுமுக நடிகை சஞ்சனா கிருஷ்ணமூர்த்தி அறிமுகமாகிறார். இவருடன் எஸ். ஜே. சூர்யா, விவேக் பிரசன்னா, நாசர், லைலா, குமரன் தங்கராஜன், ஸ்மிருதி வெங்கட் உள்ளிட்ட பலர் நடித்திருக்கிறார்கள். சரவணன் ஒளிப்பதிவு செய்திருக்கும் இந்த வலைதள தொடருக்கு சைமன் கே கிங் இசையமைத்திருக்கிறார். அமேசான் ப்ரைம் வீடியோவில் டிசம்பர் இரண்டாம் தேதி முதல் இத்தொடர் வெளியாகவுள்ளது. இந்நிலையில் சென்னையில் நடைபெற்ற இத் தொடரின் முன்னோட்ட வெளியீட்டு விழாவில் பேசிய புஷ்கர் - காயத்ரி இந்த தொடரை 240 பிராந்தியங்களுக்கும் 30க்கும் மேற்பட்ட மொழிகளில் சப்டைட்டிலுடனும் வெளியாகிறது என்றார்.