அகிலன் விமர்சனம்

ஜெயம் ரவி, பிரியா பவானி சங்கர் நடிப்பில் கல்யாண கிருஷ்ணன் இயக்கத்தில் வெளியாகி இருக்கும் படம் அகிலன். பொன்னியின் செல்வன் படத்தின் பிரம்மாண்ட வெற்றிக்கு பின் ஜெயம் ரவி நடிப்பில் ரிலீஸ் ஆகி உள்ள திரைப்படம் அகிலன். இப்படத்திற்கு சாம் சி.எஸ். இசையமைத்து உள்ளார். கதை, ஹார்பரில் முறைகேடாக நடக்கும் அனைத்து கடத்தல்களுக்கும் நங்கூரமாய் இருக்கிறான் அகிலன். அவன் உட்பட அனைத்து கடத்தல் காரர்களுக்குமான தலைவனாக கபூர் வலம் வருகிறான். கபூரை எப்படியாவது சந்திக்க வேண்டும் என்று முடிவெடுக்கிறான் அகிலன். 

இதற்கிடையே அகிலனின் ஆட்டத்தை அடக்க டெல்லி இன்டலிஜன்ஸ் அதிகாரி அவனை கைது செய்ய துடிக்கிறான். இறுதியில் அகிலன் கபூரை சந்தித்தானா? அகிலன் கைது செய்யப்பட்டானா?  என்பதே அகிலன் படத்தின் கதை. நீண்ட நாட்களுக்கு பிறகு ஹார்பர், கடல், கப்பல் என முழுக்க முழுக்க கடலும், அதனை சார்ந்த இடங்களும் நமக்கு நிச்சயம் புதுவிதமான அனுபவத்தை கொடுக்கிறது.. ஜெயம்ரவியின் அலட்டிக்கொள்ளாத நடிப்பு அகிலனுக்கு அருமையாக பொருந்தி இருக்கிறது. அதே போல திரைக்கதையில் அதிக  கவனம் செலுத்தியிருக்கும் இயக்குனருக்கும் அந்த திரைக்கதைக்கு உயிர் கொடுத்துள்ள இசையமைப்பாளருக்கும் பாராட்டுக்கள். மொத்தத்தில் அகிலன் ஆட்டம் சிறப்பு.