செய்முறை ;--

1. அடுப்பில் குக்கரை வைத்து சிறிதளவு தண்ணீர் ஊற்றி  7 முட்டைகள் மற்றும் சிறிதளவு உப்பை  போட்டு நன்றாக வேக வைத்து,முட்டை ஓடுகளை நீக்கி சுத்தம் செய்து முட்டையை பாதியாக அறுத்து  ஒரு பாத்திரத்தில் எடுத்து வைத்துக்கொள்ளவும்.
2. அடுப்பில் கடாயை வைத்து சிறிதளவு  எண்ணெய்யை ஊற்றவும்.
3. எண்ணெய் சூடானவுடன் பொடியாக நறுக்கிய ஒரு பெரிய வெங்காயம் மற்றும் பொடியாக நறுக்கிய 2 பல் பூண்டு போட்டு நன்றாக வதக்கி எடுத்து வைத்துக்கொள்ளவும்.
4. அடுப்பில் கடாயை வைத்து சிறிதளவு  எண்ணெய்யை ஊற்றவும்.
5. எண்ணெய் சூடானவுடன் பொடியாக நறுக்கிய 1/2 மூடி தேங்காயை போட்டு நன்றாக வதக்கி எடுத்து வைத்துக்கொள்ளவும்.
6. அடுப்பில் கடாயை வைத்து ஒரு பட்டை,ஒரு அன்னாசிபூ,2 கிராம்பு,மல்லி  ஒரு டீஸ்பூன் மற்றும் ஒரு ஸ்பூன் கசகசா போட்டு வதக்கவும்.
7. இதனுடன்  ஒரு ஸ்பூன் சீரகம், 1/4 ஸ்பூன் வெந்தயம்,மிளகாய் வத்தல் 15,கரம் மசாலா தூள் ஒரு ஸ்பூன்,மிளகாய் தூள் ஒரு ஸ்பூன்,மஞ்சள் தூள்  1/4 ஸ்பூன் மற்றும் பொடியாக நறுக்கிய 4 பல் பூண்டு போட்டு நன்றாக வதக்கி எடுத்து வைத்துக்கொள்ளவும்.
8. ஒரு மிக்சி ஜாரில் வறுத்து வைத்துள்ள மூடி தேங்காயை போட்டு நன்றாக அரைத்து எடுத்து வைத்துக்கொள்ளவும்.
9. ஒரு மிக்சி ஜாரில் வறுத்து வைத்துள்ள மசாலா பொருட்கள் மற்றும் வறுத்து வைத்துள்ள வெங்காயத்தை போட்டு சிறிதளவு தண்ணீர் ஊற்றி நன்றாக அரைத்து எடுத்து வைத்துக்கொள்ளவும்.
10. அடுப்பில் கடாயை வைத்து சிறிதளவு  எண்ணெய்யை ஊற்றவும்.
11. எண்ணெய் சூடானவுடன் சிறிதளவு உப்பை போட்டு,வேக வைத்த முட்டைகளை  ஒவ்வொன்றாக கடாயில் போட்டு பொரிக்கவும்.
12. இதனுடன் ஒரு ஸ்பூன் கரம் மசாலா,ஒரு ஸ்பூன் மிளகாய் தூள்,மஞ்சள் தூள் 1/4 ஸ்பூன்,சிறிதளவு மல்லி இலை ஆகியவற்றை அணைத்து முட்டைகளிலும் படும் படி தூவி விடவும், குறைவான தணலில் திருப்பி திருப்பி போட்டு முட்டையை நன்றாக வதக்கி எடுத்து வைத்துக்கொள்ளவும்.
13. அடுப்பில் கடாயை வைத்து  2  ஸ்பூன் நெய் மற்றும் சிறிதளவு  எண்ணெய்யை ஊற்றவும்.
14. நெய் சூடானவுடன்,ஒரு ஸ்பூன் கடுகு,பொடியாக நறுக்கிய ஒரு பெரிய வெங்காயம் மற்றும் ஒரு  பச்சை மிளகாயை போட்டு நன்றாக  வதக்கவும்.
15. இதனுடன் சிறிதளவு கல் பாசி,ஒரு பச்சை மிளகாய், 4 பல் பூண்டு போட்டு நன்றாக  வதக்கவும்.
16. இதனுடன் மிக்சி ஜாரில் அரைத்து வைத்துள்ள விழுது  மற்றும் மிக்சி ஜாரில் அரைத்து வைத்துள்ள தேங்காய் விழுதை போட்டு நன்றாக  கலந்து விடவும்.
17. இதனுடன் 10 கறிவேப்பிலை,மிளகு தூள் ஒரு ஸ்பூன்,மஞ்சள் தூள் 1/4 ஸ்பூன்,ஒரு ஸ்பூன் புளிக்கரைசல் மற்றும் சிறிதளவு தண்ணீர் ஊற்றி தேவையான அளவு உப்பு போட்டு நன்றாக  கிளறி விடவும்.
18. வேகவைத்த முட்டைகளை கடாயில் உள்ள மசாலா கலவையில் ஒவ்வொன்றாக வைக்கவும்.
19. மசாலா கலவை முட்டையின் முன்னும் பின்னும்  அனைத்து பகுதிகளிலும் படும் படி கலந்து விடவும்.
20. இப்போது அடுப்பில் இருந்து இறக்கி விடலாம்.
21. சுவையான முட்டை சுக்கா ரெடி.