குல்தீப் யாதவ் அசத்தல்: லக்னோவை வீழ்த்தியது டெல்லி

லக்னோ : லக்னோ சூப்பர் ஜெயண்ட்ஸ் அணிக்கு எதிரான போட்டியில் 6 விக்கெட்டுகள் வித்தியாசத்தில் டெல்லி கேப்பிட்டல்ஸ் அணி வெற்றி பெற்றது.

விறுவிறுப்பாக...

ஐபிஎல் கிரிக்கெட் தொடரின் 17வது சீசன் கோலாகலமாக நடைபெற்று வருகிறது. சென்னை, மும்பை, பெங்களூரு, ஹைதராபாத், ராஜஸ்தான், பஞ்சாப், டெல்லி, லக்னோ, குஜராத், கொல்கத்தா ஆகிய பத்து அணிகள் பங்கேற்று விளையாடி வருகின்றன. லீக் சுற்று போட்டிகள் மிகவும் விறுவிறுப்பாக நடைபெற்று வருகின்றன.

லக்னோ பந்துவீச்சு...

அந்த வகையில், லக்னோவில் நடைபெற்ற லீக் போட்டியில் டெல்லி கேப்பிட்டல்ஸ் அணியுடன் லக்னோ சூப்பர் ஜெயண்ட்ஸ் அணி மோதியது. டாஸ் வென்ற லக்னோ அணி பந்துவீச்சை தேர்வு செய்தது. அதன்படி முதலில் பேட்டிங் செய்ய களமிறங்கிய அந்த அணி, 20 ஓவர்கள் முடிவில் 7 விக்கெட்டுகள் இழப்பிற்கு 167 ரன்கள் குவித்தது. அதிகபட்சமாக ஆயுஷ் பதோனி 55 ரன்கள் விளாசினார்.இதனைத் தொடர்ந்து 168 ரன்கள் எடுத்தால் வெற்றி என்ற இலக்குடன் களமிறங்கிய டெல்லி அணி, அபாரமான ஆட்டத்தை வெளிப்படுத்தி, 18.1 ஓவர்களில் 4 விக்கெட்டுகள் இழப்பிற்கு 170 ரன்கள் குவித்து அசத்தல் வெற்றி பெற்றது. 

குல்தீப் யாதவ்... 

அதிகபட்சமாக ஃபிரேசர்-மெக்கர்க் 55 ரன்கள் விளாசினார். 4 ஓவர்கள் வீசி 20 ரன்கள் விட்டுக்கொடுத்து 3 விக்கெட்டுகளை வீழ்த்திய டெல்லி அணியின் குல்தீப் யாதவ் ஆட்டநாயகனாக தேர்வு செய்யப்பட்டார். இவ்வாறு லக்னோ அணிக்கு எதிரான போட்டியில் 6 விக்கெட்டுகள் வித்தியாசத்தில் வெற்றி பெற்ற டெல்லி அணி புள்ளிப்பட்டியலில் 4 புள்ளிகளுடன் 9வது இடத்தில் உள்ளது.

டெல்லி அணிக்கு அறிமுக 

போட்டியில் அதிக ரன்கள்

1) கௌதம் கம்பீர் - 58* ரன்கள் - ராஜஸ்தான் ராயல்ஸுக்கு எதிராக, 2008.

2) ஜேக் ஃபிரேசர் மெக்கர்க் - 55 ரன்கள் - லக்னௌவுக்கு எதிராக, 2024.

3) சாம் பில்லிங்ஸ் - 54 ரன்கள் - கொல்கத்தாவுக்கு எதிராக, 2016.

4) பால் காலிங்வுட் - 53 ரன்கள் - கொல்கத்தாவுக்கு எதிராக, 2010

5) ஷிகர் தவான் - 52* ரன்கள் - ராஜஸ்தானுக்கு எதிராக, 2008.