பாலஸ்தீன போரை நிறுத்துவேன்: வலைதளங்களில் வைரலாகும் டொனால்டு டிரம்பின் வாக்குறுதி

வாஷிங்டன், பாலஸ்தீன போரை நிறுத்துவேன் என்று டிரம்ப் அளித்த வாக்குறுதியை பலரும் வலைதளங்களில் வைரலாக்கி வருகின்றனர். 

அமெரிக்காவின் 47-வது அதிபராக டொனால்டு டிரம்ப் பதவியேற்க உள்ளார். டொனால்டு டிரம்ப் இரண்டவாது முறையாக அமெரிக்க அதிபராக பொறுப்பேற்க உள்ளார். இந்த நிலையில், கடந்த ஜூன் 2-ம் தேதி எடுக்கப்பட்ட டொனால்டு டிரம்ப் வீடியோ வலைதளங்களில் வைரல் ஆகி வருகிறது. 

இந்த வீடியோ வாக்கு சேகரிப்பின் அங்கமாக டொனால்டு டிரம்ப் யு.எப்.சி. நிகழ்ச்சியில் கலந்து கொண்ட போது, யு.எப்.சி. வீரர் கபீப் நூர்மகோமெடோவை சந்தித்து பேசிய காட்சிகள் இடம்பெற்றுள்ளன. வீடியோவின் படி முதலில் பேசிய கபீப், 

டொனால்டு டிரம்பிடம் பாலஸ்தீன போரை நீங்கள் நிறுத்துவீர்கள் என்று எனக்கு தெரியும்  என்றார். இதற்கு பதில் அளித்த டொனால்டு டிரம்ப், நாம் நிறுத்துவோம். நான் போரை நிறுத்துவேன் என்று தெரிவித்தார். 

தற்போது அமெரிக்க அதிபர் தேர்தலில் டொனால்டு டிரம்ப் வெற்றி பெற்றுள்ள நிலையில், இஸ்ரேல் - காசா போர் நிறுத்தம் விரைந்து நடக்க வேண்டும் என்பதை உணர்த்தும் வகையில், டிரம்ப் கொடுத்த வாக்குறுதி தொடர்பான வீடியோவை  வலைதளங்களில் பலரும் பகிர்ந்து வருகின்றனர்.