இறுதி வாக்காளர் பட்டியல் வெளியீடு: தமிழ்நாட்டில் உள்ள மொத்த வாக்காளர்கள 6.36 கோடி பேர் அதிக வாக்காளர்களில் சோழிங்கநல்லூர் முதலிடம்

சென்னை: இறுதி வாக்காளர் பட்டியல் நேற்று வெளியான நிலையில் தமிழ்நாட்டில் உள்ள மொத்த வாக்காளர்கள 6.36 கோடி பேர் என தெரிவிக்கப்பட்டுள்ளது. அதிக வாக்காளர்களில் சோழிங்கநல்லூர் முதலிடம் பிடித்துள்ளது.

தமிழகத்தில் இறுதி வாக்காளர் பட்டியலை மாநிலத் தலைமை தேர்தல் அதிகாரி அர்ச்சனா பட்நாயக் திங்கள்கிழமை வெளியிட்டார். அதில் மொத்த வாக்காளர்கள் 6,36,12,950 கோடி எனத் தெரிக்கப்பட்டுள்ளது. ஆண் வாக்காளர்கள் 3.11 கோடி, பெண் வாக்காளர்கள் 3.24 கோடி, 3ஆம் பாலினத்தவர் 9, 120 பேர் என்றும் குறிப்பிடப்பட்டுள்ளது. 

மேலும் நேற்று வெளியிடப்பட்ட இறுதி வாக்காளர் பட்டியலின்படி கீழ் வேளூர்(நாகை) தொகுதியில் தான் குறைந்த எண்ணிக்கையில் வாக்காளர்கள் உள்ளனர். அங்கு 1,76,505 வாக்காளர்களும், அதற்கு அடுத்த இடத்தில் துறைமுகம்(சென்னை) 1,78,980 வாக்காளர்களும் உள்ளனர். அதிக வாக்காளர்களைக் கொண்ட தொகுதியாக சோழிங்கநல்லூர் உள்ளது. அங்கு மொத்தம் 6,90,958 வாக்காளர்கள் உள்ளனர். அடுத்த இடத்தில் கவுண்டம்பாளையம்(கோவை) தொகுதியில் மொத்தம் 4,91,143 பேர் வாக்களிக்க தகுதி பெற்றுள்ளனர்.