பொங்கல் பண்டிகையையொட்டி இன்று மகளிர் உரிமைத்தொகை வரவுவைப்பு

சென்னை, பொங்கல் பண்டிகையையொட்டி வரும் 10-ம் தேதிக்குள் மகளிர் உரிமைத்தொகை வரவுவைக்க தமிழக அரசு நடவடிக்கை எடுத்து வருகிறது.

பொங்கல் பண்டிகையையொட்டி ரூ.1000 மகளிர் உரிமைத் தொகை முன்கூட்டியே வரவு வைக்கும் பணியை தமிழக அரசு தொடங்கியுள்ளது. வழக்கமாக மாதம்தோறும் 15-ம் தேதி மகளிர் உரிமைத் தொகையான ரூ.1,000 வரவு வைக்கப்படும் நிலையில், பொங்கலுக்காக 5 நாள்கள் முன்பே வங்கிக் கணக்குகளில் செலுத்தும் பணி நடைபெற்று வருகின்றது. ஜனவரி 10-ம் தேதிக்குள் தகுதியுள்ள அனைவரின் கணக்குகளிலும் ரூ. 1,000 வரவு வைக்க தமிழக அரசு திட்டமிட்டுள்ளது.

கலைஞா் மகளிர் உரிமைத் திட்டத்தின் கீழ், 1.14 கோடி பெண்களுக்கு மாதம்தோறும் ரூ. 1,000 தமிழக அரசு வழங்கி வருகின்றது. கடந்தாண்டு பொங்கல் பண்டிகையின் போதும் மகளிர் உரிமைத் தொகை முன்னதாகவே வரவு வைக்கப்பட்டது குறிப்பிடத்தக்கது.