பூர்வீகம் விமர்சனம்

பிரைன் டச் ஃபிலிம் ஃபேக்டரி சார்பில் டாக்டர் R முருகானந்த் தயாரிப்பில், G.கிருஷ்ணன் இயக்கத்தில், கதிர், மியாஶ்ரீ நடிப்பில் உருவாகியுள்ள திரைப்படம் பூர்வீகம். நாட்டின் முதுகெலும்பான விவசாய தொழில் செய்ய வேண்டிய இரண்டு தலை முறை இளைஞர்கள் தங்களின் பூர்வீகத்தை விட்டு இடம்பெயர்ந்து படிப்பிற்காகவும் தொழிற்காகவும் நகரத்திலேயே வாழ்ந்து வருகின்றனர். அவர்கள் உதறி தள்ளிவிட்ட விவசாயத்தின் அருமையை எடுத்துச் சொல்லும் படைப்பாக இப்படம் உருவாகியுள்ளது. இன்று தமிழ்நாட்டில் மட்டுமல்ல உலகலமங்கும் விவசாய நிலங்கள் குறைந்து கொண்டே வருகிறது… ஆனால் மக்கள் தொகை பெருகிக்கொண்டே போகிறது. இதே நிலை நீடித்தால் எதிர்காலத்தில் உணவு பஞ்சம் தலைவிரித்து ஆடும்… ஆகவே தனி மனிதனோ அரசாங்கமோ விவசாய நிலத்தை பாதுகாக்க முயற்சி செய்ய வேண்டும் மேலும், படித்தவரோ பாமரனோ ஏழையோ பணக்காரணோ யாராக இருந்தாலும் வாரத்தில் ஒரு நாள் கட்டாயம் விவசாயத்தில் ஈடுபடவேண்டும் என்பதை வலியுறுத்துகிறது இப்படம்.