மோகன்லால் நடிக்கும் L2 எம்புரான்

சுபாஸ்கரனின் லைகா புரொடக்ஷன்ஸ், தயாரிப்பில் உருவாகியுள்ள, முதல் மலையாளத் திரைப்படமான L2 எம்புரான் படத்தின் டீசர் சமீபத்தில் வெளியானது. பிருத்விராஜ் சுகுமாரன் இயக்கியுள்ள இந்த திரைப்படத்தில் மோகன்லால் நாயகனாக நடித்துள்ளார். 2019 ல் வெளியான லூசிஃபர் படம், இந்தியாவையே திரும்பிப்பார்க்க வைத்து, பிளாக்பஸ்டர் வெற்றி பெற்றது.  இந்த படத்தின் இரண்டாம் பாகமாக, L2 எம்புரான்  உருவாகியுள்ளது.  இந்நிலையில், இப்படத்தின் டீசர் வெளியீட்டு விழா, கொச்சியில் சமீபத்தில் நடைபெற்றது, அதில் மம்முட்டி கலந்து கொண்டு படத்தின் டீசரை வெளியிட்டார்.. இப்படத்தில் பிருத்விராஜ், இந்திரஜித் சுகுமாரன், டோவினோ தாமஸ், மஞ்சு வாரியர், சானியா ஐயப்பன், சாய் குமார் மற்றும் பைஜு சந்தோஷ் உட்பட பலர் நடித்துள்ளனர். மலையாளம், தெலுங்கு, தமிழ், கன்னடம் இந்தி ஆகிய 5 மொழிகளில் வரும் மார்ச் 27ல் இப்படம் வெளியாகவுள்ளது.