வள்ளலாரின் நினைவு தினம்: சென்னை 11-ம் தேதி டாஸ்மாக் கடைகள் அடைப்பு

சென்னை: வள்ளலாரின் நினைவு தினத்தை முன்னிட்டு சென்னையில் உள்ள டாஸ்மாக் கடைகள் அடைக்கப்படுவதாக மாவட்ட கலெக்டர் அறிவித்துள்ளார்.

வள்ளலார் நினைவு நாளை முன்னிட்டு வருகிற 11-ம் தேதி டாஸ்மாக் கடைகள் மூடப்படும் என அறிவிக்கப்பட்டுள்ளது. இதனால் வருகிற செவ்வாய்க்கிழமை சென்னையில் இயங்கி வரும் அனைத்து மதுபானக்கடைகள், பார்கள், கிளப்கள், ஹோட்டல் பார்கள் என அனைத்தும் அடைப்பு. வள்ளலாரின் நினைவூட்டல் விழாவை முன்னிட்டு இந்த அறிவிப்பானது அறிவிக்கப்பட்டுள்ளது. அன்றைய தினம் மதுபான விற்பனை இருக்காது. விதி மீறல் கண்டறியப்பட்டால் தகுந்த நடவடிக்கை எடுக்கப்படும் என சென்னை மாவட்ட கலெக்டர் ரஷ்மி சித்தார்த் ஜகடே தெரிவித்துள்ளார்.