அ.தி.மு.க. மாவட்ட பொறுப்பாளர்கள் பட்டியலை வெளியிட்டார் இ.பி.எஸ்.

சென்னை, அ.தி.மு.க. மாவட்ட பொறுப்பாளர்கள் பட்டியலை பொதுச் செயலாளர்  எடப்பாடி பழனிசாமி வெளியிட்டார்.

2026 பேரவைத் தேர்தலையொட்டி, சட்டப்பேரவைத் தொகுதி வாரியக பூத் கமிட்டி அமைப்பது, கட்சியின் வளர்ச்சிப் பணிகளை துரிதப்படுத்துவது முதலிய பணிகளை மேற்கொள்ள அ.தி.மு.க. மாவட்ட பொறுப்பாளர்கள் நியமிக்கப்பட்டுள்ளனர்.

ஏற்கெனவே வழங்கப்பட்டுள்ள உறுப்பினர் உரிமைச் சீட்டுகள் அனைத்தும் உரியவர்களிடம் வழங்கப்பட்டுவிட்டனவா? என்பதை கண்காணிப்பது மற்றும் கட்சியில் புதிதாக உருவாக்கப்பட்டுள்ள, இளம் தலைமுறை விளையாட்டு வீரர்கள் அணியில், ஊராட்சி, நகர வார்டு, பேரூராட்சி வார்டு, மாநகராட்சி வட்ட அளவில், விளையாட்டு வீரர்களை அதிக அளவில் உறுப்பினர்களாகச் சேர்ப்பது முதலான பணிகளை, மாவட்டக் கழகச் செயலாளர்களுடன் இணைந்து விரைவாக முடிப்பதற்காக, மாவட்டங்களுக்கு பொறுப்பாளர்கள் நியமிக்கப்பட்டுள்ளனர்.

அ.தி.மு.க. மாவட்ட பொறுப்பாளர்கள் பட்டியலில் அக்கட்சியின் மூத்த தலைவர்களில் ஒருவரான செங்கோட்டையனின் பெயர் இடம் பெறவில்லை என்பது குறிப்பிடத்தக்கது.