ஜனாதிபதியுடன் கத்தார் மன்னர் சந்திப்பு

புதுடெல்லி: டெல்லியில் குடியரசுத் தலைவர் திரெளபதி முர்முவை கத்தார் மன்னர் ஷேக் தமீம் பின் ஹமாத் அல்தானி செவ்வாய்க்கிழமை நேரில் சந்தித்தார்.

குடியரசுத் தலைவர் மாளிகைக்கு வருகைதந்த அவரை திரெளபதி முர்மு, பிரதமர் நரேந்திர மோடி உள்ளிட்டோர் வரவேற்றனர். இந்த சந்திப்புக்கு பிறகு பிரதமா் நரேந்திர மோடியுடன் இருதரப்பு பேச்சுவாா்த்தை நடந்தது. பிரதமா் நரேந்திர மோடியின் அழைப்பின் பேரில் 2 நாள் அரசுமுறைப் பயணமாக திங்கள்கிழமை இரவு கத்தாா் மன்னர் இந்தியா வந்தார். அவா் இந்தியாவுக்கு மேற்கொள்ளும் இரண்டாவது அரசுமுறைப் பயணம் இதுவாகும். முன்னதாக, கடந்த 2015, மாா்ச்சில் அவா் இந்தியாவுக்கு வந்தாா்.