நிறம் மாறும் உலகில் அம்மாவை பற்றிய படம்

சிக்னேச்சர் புரொடக்ஷன்ஸ் மற்றும் ஜி எஸ் சினிமா இன்டர்நேஷனல் சார்பில் தயாராகி, மார்ச் 7 அன்று வெளியாகும் படம் 'நிறம் மாறும் உலகில்.  இப்படத்தின் இசை மற்றும் முன்னோட்ட வெளியீட்டு விழா சென்னையில் சமீபத்தில் நடைபெற்றது. அறிமுக இயக்குநர் பிரிட்டோ இயக்கத்தில் உருவாகியுள்ள இப்படத்தில் இயக்குநர் பாரதிராஜா, நட்டி, ரியோ ராஜ், சாண்டி மாஸ்டர் உள்ளிட்ட பலர் நடித்திருக்கிறார்கள். விழாவில் இயக்குநர் பிரிட்டோ பேசுகையில், இப்படத்தை முதன் முதலில் இயக்க காரணம் என் அம்மா. அம்மாவை பற்றி பல திரைப்படங்கள் வெளியாகி இருக்கலாம். ஆனால் இது தனித்துவமாக இருக்கும் என்றார். . மார்ச் 8  ஆம் தேதி சர்வதேச மகளிர் தினத்தை ஒட்டி இப்படத்தை வெளியிட உள்ளோம். இந்தப் படம் அனைத்து தரப்பு ரசிகர்களையும் கவர்ந்து வெற்றி பெறும் என நம்புகிறேன் என்றார்.