அமித்ஷா குறித்து ஆர்.பி.உதயகுமார் கூறியது பற்றி தெரியாது: இ.பி.எஸ்.

தூத்துக்குடி, அமித்ஷா குறித்து ஆர்.பி.உதயகுமார் கூறியது பற்றி தனக்கு தெரியாது என்று எடப்பாடி பழனிசாமி தெரிவித்தார்.

தூத்துக்குடி விமான நிலையத்தில் அ.தி.மு.க. பொதுச்செயலாளர் எடப்பாடி பழனிசாமி செய்தியாளர்களுக்கு பேட்டி அளித்தார். அப்போது அவர் கூறியதாவது: ரூ.1,000 கோடி டாஸ்மாக்கில் கொள்ளையடித்தது யார் என்று கண்டுபிடியுங்கள். தமிழகத்தில் போதைப்பொருள் நடமாட்டம் அதிகமாக உள்ளது. சிறுமி முதல் மூதாட்டி வரை தமிழகத்தில் யாருக்கும் பாதுகாப்பில்லை.பத்திரிகை செய்திகளின் அடிப்படையிலேயே சட்டம் ஒழுங்கு குறித்து பேசுகிறோம். காவல்துறை ஏவல்துறையாக மாறி விட்டது. மீனவர்கள் பிரச்சனை குறித்தும் அமித்ஷாவிடம் பேசினோம். ஆர்.பி.உதயகுமார் கூறியது பற்றி தெரியவில்லை. தெரியாதது குறித்து தவறாக சொல்லி விடக்கூடாது. இவ்வாறு அவர் கூறினார்.