4 மொழிகளில் வெளியாகும் சாரி

ஆர்ஜிவி ஆர்வி புரொடக்ஷன்ஸ் எல்எல்பி பேனரின் கீழ் ரவிசங்கர் வர்மா தயாரிப்பில் இயக்குநர் ராம் கோபால் வர்மா திரைக்கதையில் கிரி கிருஷ்ணா கமல் இயக்கத்தில் உருவாகியுள்ள திரைப்படம் ‘சாரி’. தமிழ், தெலுங்கு, இந்தி மற்றும் மலையாளம் ஆகிய மொழிகளில் ஏப்ரல் 4 அன்று வெளியாக உள்ளது. இந்திலையில் இப்படத்தின் பத்திரிக்கையாளர் சந்திப்பு சமீபத்தில் நடைபெற்றது. அப்போது பேசிய நடிகை ஆராத்யா தேவி, சோஷியல் மீடியாவில் உள்ள நெகட்டிவ் மற்றும் இருட்டு பக்கங்களை இந்தப் படம் பேசுகிறது. நிச்சயம் பெண்கள் இதை தங்களுடன் தொடர்பு படுத்திக் கொள்ள முடியும் என்றார். தயாரிப்பாளர் ரவி ஷங்கர் வர்மா, “ராம் கோபால் வர்மா சாருடன் எனக்கு இது முதல் படம். நல்ல படங்களை உருவாக்குவதே எங்கள் நோக்கம் என்றார். கேரள விநியோகஸ்தர் ஷானு பேசிகையில், நான் படம் பார்த்துவிட்டு ஜாபர் ஸ்டுடியோஸ் வினோத் அவர்களை படம் பார்க்க அழைத்தேன். அவருக்கும் படம் பிடித்துப் போக 100 செண்ட்ருக்கும் மேலாக தமிழகத்தில் நானே ரிலீஸ் செய்கிறேன் என சொன்னார் என்றார். இயக்குநர் ராம் கோபால் வர்மா பேசுகையில், சில நேரங்களில்  சில கெட்ட விஷயங்கள் வாழ்க்கையில் நடந்து விடுகிறது. அது உறவில் மிகப்பெரிய விரிசலை ஏற்படுத்தக் கூடும். அதைத்தான் ‘சாரி’ திரைப்படம் பேசுகிறது” என்றார்.