பிரணாப்பை வழியனுப்பி வைத்தார் முதல்வர் ஜெயலலிதா

சென்னை, செப்.27 - சென்னை மற்றும் புதுச்சேரியில் பல்வேறு நிகழ்ச்சிகளில் கலந்து கொண்டுவிட்டு புது தில்லி சென்ற ஜனாதிபதி பிரணாப் முகர்ஜிக்கு, தமிழக முதல்வர் ஜெயலலிதா பூங்கொத்து கொடுத்து வழியனுப்பி வைத்தார்.

சென்னையில் நடந்த இந்திய திரைப்படத் துறை நூற்றாண்டு விழாவிலும், புதுச்சேரியில் நடைபெற்ற பல்வேறு நிகழ்ச்சிகளிலும் கலந்து கொள்வதற்காக இரண்டு நாட்களுக்கு முன்பு பிரணாப் முகர்ஜி சென்னை வந்தார்.

புதுச்சேரியில் நடைபெற்ற நிகழ்ச்சிகளில் கலந்து கொண்டுவிட்டு, புதுச்சேரியில் இருந்து சென்னை வந்து, புது தில்லி செல்லும் பிரணாப் முகர்ஜியை, சென்னை விமான நிலையத்தில் சந்தித்து பூங்கொத்து கொடுத்து வழியனுப்பி வைத்தார் முதல்வர் ஜெயலலிதா. உடன் அமைச்சர்கள், சென்னை மாநகர மேயர் சைதை.துரைசாமி தலைமைச் செயலாளர் ஷீலாபாலகிருஷ்ணன், தளபதிகள், சென்னை மாநகர போலீஸ் கமிஷ்னர் ஜார்ஜ் உட்பட பல பிரமுகர்களு விமான நிலையத்திற்கு வந்து ஜனாதிபதியை வழியனுப்பி வைத்தனர்.