ஹிட் - தி தேர்ட் கேஸ் விமர்சனம்

மிக பெரிய கொலை வழக்கு ஒன்றை விசாரிக்கும் காவல்துறை அதிகாரி நானிக்கு, ஒரே பாணியில் நாட்டின் பல்வேறு பகுதிகளில் பலர் கொடூரமாக கொலை செய்யப்பட்டிருக்கும் தகவல் கிடைக்கிறது. அந்த வழக்குகள் பற்றி விசாரிக்கும் போது, அதன் பின்னணியில் கொடூரமான கருப்பு உலகம் ஒன்று இருப்பது தெரிய வருகிறது. அந்த உலகம் எங்கிருக்கிறது?, அதை இயக்குவது யார்?, அவர்களது கொடூரமான கொலைகளுக்கான நோக்கம் என்ன?, என்பதை கண்டுபிடிக்க களத்தில் இறங்கும் நானியின் பயணம் தான் ‘ஹிட் - தி தேர்ட் கேஸ்’

காக்கி சாட்டை போடாத காவல்துறை அதிகாரியாக வலம் வந்தாலும், காவல்துறைக்கு பெருமை சேர்க்கும் வகையில் கம்பீரமாகவும், ஆக்ரோஷமாகவும் நடித்திருக்கும் நானி, தனது ஒவ்வொரு அசைவுகள் மூலம் ரசிகர்களின் முழு கவனத்தையும் தன் பக்கம் ஈர்த்து விடுகிறார்.  படம் முழுவதும் ஆக்‌ஷன் மற்றும் வன்முறை காட்சிகள் நிரம்பியிருந்தாலும், அவற்றை திரைக்கதையோடு ஒன்றி பயணிக்க வைத்திருக்கும் இயக்குநர் சைலேஷ் கோலானு, அர்ஜுன் சர்க்காரின் அதிரடி பயணத்தை மாஸாகவும், திரில்லிங்காகவும் சொல்லி ரசிகர்களை பரவசத்தில் ஆழ்த்தி உள்ளார் இயக்குனர். மொத்தத்தில் இந்த ‘ஹிட் - த தேர்ட் கேஸ்’ அவரது ரசிகர்கள் மட்டுமின்றி மக்கள் மனதில் வென்று நிற்கும்.