முக்கிய செய்திகள்
Idhayam Matrimony

சென்னை வெற்றியால் நெருக்கடி: பிளே ஆப்-க்கு முன்னேறுமா கொல்கத்தா?

வியாழக்கிழமை, 8 மே 2025      விளையாட்டு
CSK-1 11-04-2025

கொல்கத்தா, சென்னை வெற்றியால் கொல்கத்தாவின் பிளே ஆப் வாய்ப்புக்கு சிக்கல் ஏற்பட்டுள்ளது.

சென்னை வெற்றி...

ஐ.பி.எல். போட்டியின் 57-ஆவது ஆட்டத்தில் சென்னை சூப்பா் கிங்ஸ் 2 விக்கெட்டுகள் வித்தியாசத்தில், நடப்பு சாம்பியன் கொல்கத்தா நைட் ரைடா்ஸை புதன்கிழமை வீழ்த்தியது. முதலில் கொல்கத்தா 20 ஓவா்களில் 6 விக்கெட்டுகள் இழப்புக்கு 179 ரன்கள் சோ்க்க, சென்னை 19.4 ஓவா்களில் 8 விக்கெட்டுகள் இழந்து 183 ரன்கள் சோ்த்து வென்றது. பிளே ஆப் பந்தயத்தில் நிலைக்க இந்த ஆட்டத்தில் வென்றாக வேண்டிய கொல்கத்தா, தற்போது நூலிழை நம்பிக்கையுடன் காத்திருக்கிறது. தொடா்ந்து 4 தோல்விகளை சந்தித்த சென்னை, இந்த வெற்றியின் மூலம் மீண்டிருக்கிறது.

ரஹானே - நரைன்  அபாரம்...

முன்னதாக இந்த ஆட்டத்தில் டாஸ் வென்ற கொல்கத்தா, பேட்டிங்கை தோ்வு செய்தது. கொல்கத்தா இன்னிங்ஸை தொடங்கிய ரஹ்மானுல்லா குா்பாஸ் 11 ரன்களுக்கு ஆட்டமிழக்க, சுனில் நரைன் விரைவாக ரன்கள் சோ்த்தாா். ஒன் டவுனாக வந்த கேப்டன் அஜிங்க்ய ரஹானே - நரைன் ஜோடி 2-ஆவது விக்கெட்டுக்கு 58 ரன்கள் சோ்த்தது. நரைன் 4 பவுண்டரிகள், 1 சிக்ஸருடன் 26 ரன்களுக்கு ஆட்டமிழந்தாா். தொடா்ந்து அங்கிரிஷ் ரகுவன்ஷி 1 ரன்னுக்கே பெவிலியன் திரும்ப, மனீஷ் பாண்டே களம் புகுந்தாா். இந்நிலையில் 4 பவுண்டரிகள், 2 சிக்ஸா்களுடன் 48 ரன்கள் சோ்த்த ரஹானே சாய்க்கப்பட்டாா்.

நூா் அகமது 4....

6-ஆவது வீரராக ஆண்ட்ரே ரஸ்ஸெல் வர, பாண்டே - ரஸ்ஸெல் ஜோடி 5-ஆவது விக்கெட்டுக்கு 46 ரன்கள் சோ்த்தது. ரஸ்ஸெல் 4 பவுண்டரிகள், 3 சிக்ஸா்களுடன் 38 ரன்களுக்கு முடித்துக் கொண்டாா். ரிங்கு சிங் 9 ரன்களுக்கு விக்கெட்டை இழக்க, ஓவா்கள் முடிவில் மனீஷ் பாண்டே 1 பவுண்டரி, 1 சிக்ஸருடன் 36, ரமண்தீப் சிங் 4 ரன்களுடன் ஆட்டமிழக்காமல் இருந்தனா். சென்னை தரப்பில் நூா் அகமது 4, அன்ஷுல் காம்போஜ், ரவீந்திர ஜடேஜா ஆகியோா் தலா 1 விக்கெட் கைப்பற்றினா்.

வெற்றிக்கு அடித்தளம்...

அடுத்து, 180 ரன்களை நோக்கி விளையாடிய சென்னை அணியில் ஆயுஷ் மாத்ரே, டெவன் கான்வே டக் அவுட்டாக, அதிரடி காட்டிய உா்வில் படேல் 11 பந்துகளில் 1 பவுண்டரி, 4 சிக்ஸா்களுடன் 31 ரன்களுக்கு வீழ்ந்தாா்.  தொடா்ந்து வந்தோரில் ரவிச்சந்திரன் அஸ்வின் 8, ரவீந்திர ஜடேஜா 2 பவுண்டரிகள், 1 சிக்ஸருடன் 19 ரன்களுக்கு சாய்க்கப்பட்டனா். 6-ஆவது விக்கெட்டுக்கு இணைந்த டெவால்டு பிரெவிஸ் - ஷிவம் துபே கூட்டணி, 67 ரன்கள் சோ்த்து வெற்றிக்கு அடித்தளமிட்டது. இதில் பிரெவிஸ் 25 பந்துகளில் 4 பவுண்டரிகள், 4 சிக்ஸா்களுடன் 52 ரன்களுக்கு விடைபெற, துபே 2 பவுண்டரிகள், 3 சிக்ஸா்களுடன் 45 ரன்களுக்கு ஆட்டமிழந்தாா்.

வைபவ் அரோரா 3...

 

நூா் அகமது 2 ரன்களுக்கு பெவிலியன் திரும்ப, கேப்டன் தோனி 1 சிக்ஸருடன் 17, அன்ஷுல் காம்போஜ் 4 ரன்களுடன் அணியை வெற்றிபெறச் செய்து ஆட்டமிழக்காமல் இருந்தனா். கொல்கத்தா தரப்பில் வைபவ் அரோரா 3, ஹா்ஷித் ராணா, வருண் சக்கரவா்த்தி ஆகியோா் தலா 2, மொயீன் அலி 1 விக்கெட் கைப்பற்றினா்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 11 months 1 week ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 11 months 1 week ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 1 year 4 days ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 1 year 4 days ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 2 months ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 2 months ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.