இத்தாலி ஓபன் டென்னிஸ்: மெத்வதேவ் அதிர்ச்சி தோல்வி

ரோம் : இத்தாலி ஓபன் டென்னிஸ் போட்டியில் காலிறுதிக்கு ஸ்வரேவ், அல்காரஸ் முன்னேறியுள்ளனர். மெத்வதேவ் தோல்வியடைந்து வெளியேறினார்.

காலிறுதிக்கு.... 

இத்தாலி ஓபன் டென்னிஸ் தொடர் ரோமில் நடைபெற்று வருகிறது. ஆண்கள் ஒற்றையர் பிரிவின் 4வது சுற்றில் ஸ்பெயினின் கார்லோஸ் அல்காரஸ், ரஷியாவின் கரன் கச்சனாவ் உடன் மோதினார். இதில் முதல் செட்டை அல்காரஸ் 6-3 என வென்றார். 2வது செட்டை கச்சனாவ் 6-3 என கைப்பற்றினார். வெற்றியாளரை நிர்ணயிக்கும் 3வது செட்டை அல்காரஸ் 7-5 என வென்று காலிறுதி சுற்றுக்கு முன்னேறினார். மற்றொரு போட்டியில் ஜெர்மனியின் அலெக்சாண்டர் ஸ்வரேவ் 7-6 (7-3), 6-1 என்ற செட் கணக்கில் பிரான்ஸ் வீரர் ஆர்தர் பில்சை வீழ்த்தி காலிறுதிக்கு முன்னேறினார்.

மெத்வதேவ்... 

ஆண்கள் ஒற்றையர் பிரிவின் 4வது சுற்றில் ரஷியாவின் டேனில் மெத்வதேவ், இத்தாலியின் லாரன்சோ முசெட்டி உடன் மோதினார். இதில் முசெட்டி 7-5, 6-4 என்ற செட் கணக்கில் வென்று காலிறுதி சுற்றுக்கு முன்னேறினார். இதனால் தரவரிசையில் 10வது இடத்தில் உள்ள டேனில் மெத்வதேவ் தொடரில் இருந்து வெளியேறினார்.