மெட்ராஸ் மேட்னி’ விமர்சனம்

அடுத்த தலைமுறையை தலைநிமிர செய்வதற்காக வாழ்க்கை முழுவதும் ஓடிக்கொண்டிருக்கும் நடுத்தர மக்களின் வாழ்க்கை பற்றிய படமே மெட்ராஸ் மேட்னி படம். காளி வெங்கட் தனது இயல்பான நடிப்பு மூலம் மக்கள் மனதில் எளிதில் ஒட்டிக்கொள்கிறார். கதையாசிரியராக முழு படத்தையும் நகர்த்திச் செல்கிறார் சத்யராஜ். காளி வெங்கட்டின் மகளாக நடித்திருக்கும் ரோஷினி ஹரிப்பிரியன், அப்பாவை விட்டுக் கொடுக்காத மகளாக அளவாக நடித்திருக்கிறார். எளிமையான மக்களின் எதார்த்த வாழ்க்கையை இயல்பாக காட்சிப்படுத்தியிருக்கிறார் ஒளிப்பதிவாளர் ஆனந்த்.ஜி.கே, எழுதி இயக்கியிருக்கும் கார்த்திகேயன் மணி, சாதாரண மக்களின் வாழ்க்கை போராட்டங்களுக்கு மதிப்பளித்து அழுத்தமாக பதிவைச் செய்திருக்கிறார். மொத்தத்தில், ‘மெட்ராஸ் மேட்னி’ எளியவர்களின் வாழ்வியலை மனதுக்கு இனிமையாக சொல்லியிருக்கும் படம்.