நாட்டிற்காக சிறப்பானதை செய்ய அற்புதமான வாய்ப்பு: கவுதம் காம்பீர்

பெக்கன்ஹாம் : நாட்டிற்காக ஏதாவது சிறப்பாகச் செய்ய இந்த அற்புதமான வாய்ப்பைப் பெற்றுள்ளோம் என்று இந்திய வீரர்கள் மத்தியில் கவுதம் காம்பீர் எழுச்சி உரையாற்றினார்.

சுற்றுப்பயணம்... 

 ஷுப்​மன் கில் தலை​மையி​லான இந்​திய கிரிக்​கெட் அணி 5 டெஸ்ட் போட்​டிகள் கொண்ட தொடரில் விளை​யாடு​வதற்​காக இங்​கிலாந்​தில் சுற்​றுப்​பயணம் மேற்​கொண்​டுள்​ளது. முதல் டெஸ்ட் போட்டி வரும் 20-ம் தேதி ஹெட்​டிங்​லி​யில் தொடங்​கு​கிறது. இதற்​காக இந்​திய அணி வீரர்​கள் தீவிர பயிற்​சி​யில் ஈடு​பட்​டுள்​ளனர்.  

அற்புதமான வாய்ப்பு...

இந்​நிலை​யில், இந்​திய அணி​யின் தலைமை பயிற்​சி​யாள​ரான கவுதம் கம்​பீர் வீரர்​கள் மத்​தி​யில் உரை​யாடு​வதை பி.சி.சி.ஐ. தனது இணை​யதளத்​தில் வீடியோ​வாக வெளி​யிட்​டுள்​ளது. அதில் கவுதம் கம்​பீர் கூறும்​போது, “இந்த சுற்​றுப்​பயணத்தை இரண்டு வித​மாகப் பார்க்​கலாம். ஒன்​று, மிக​வும் அனுபவம் வாய்ந்த எங்​களது 3 வீரர்​கள் (ரோஹித் சர்​மா, விராட் கோலி, ரவிச்​சந்​திரன் அஸ்​வின்) ஆகியோர் இல்​லாமல் இருக்​கிறோம் அல்​லது நாட்​டிற்​காக ஏதாவது சிறப்​பாகச் செய்ய இந்த அற்​புத​மான வாய்ப்​பைப் பெற்​றுள்​ளோம்.

மறக்க​முடியாத பயணம்...

தற்​போதைய டெஸ்ட் அணி​யில், ஏதாவது சிறப்​பாக செய்ய வேண்​டும் என்ற பசி, ஆர்​வம் மற்​றும் அர்ப்​பணிப்பு இருப்​பதை காண்​கிறேன். நாம் தியாகங்​களைச் செய்​தால், நமது சவு​கரிய​மான இடத்​தில் இருந்து வெளியே வந்​தால், ஒவ்​வொரு நாளும் அல்ல, ஒவ்​வொரு செஷனிலும், ஒவ்​வொரு மணி நேரத்​தி​லும், ஒவ்​வொரு பந்​தி​லும் போராடத் தொடங்​கி​னால், நாம் ஒரு மறக்​க​முடி​யாத சுற்​றுப்​பயணத்தை மேற்​கொள்ள முடி​யும்.

 சிறப்பு வாய்ந்தவை...

முதல் டெஸ்ட் போட்​டிக்​கான அழைப்​பு​கள் எப்​போதும் சிறப்பு வாய்ந்​தவை. சாய் சுதர்​சன், அர்​ஷ்தீப் சிங், ஷுப்​மன் கில்லை  வரவேற்கிறேன். ரிஷப் பந்த்​துக்​கும் வாழ்த்​துக்​கள். இந்​திய அணிக்​குள் மீண்​டும் வரு​வது ஒரு​போதும் எளி​தானதல்ல, ஏழு ஆண்​டு​களுக்​குப் பிறகு மீண்​டும் வந்த ஒரு​வர் (கருண் நாயர்), கடந்த ஆண்டு உள்​ளூர் கிரிக்​கெட்​டில் அற்​புத​மான ஆட்​டத்தை வெளிப்​படுத்​தி​னார். நீங்​கள் பெற்ற ரன்​களின் எண்​ணிக்​கை, ஒரு​போதும் விட்​டுக்​கொடுக்​காத மனப்​பான்​மை, உங்​களை மீண்​டும் அணிக்​குள் கொண்டு வந்​துள்​ளது. இது இந்த அணி​யில் உள்ள அனை​வருக்​கும் ஊக்​கமளிக்​கும் ஒன்​று. அந்த வகை​யில் கருண் நாயரை வரவேற்​கிறேன்” என்​றார்.