துருவ் சர்ஜா நடிக்கும் 'கே.டி-தி டெவில்'

துருவ் சர்ஜா நடிப்பில் இயக்குநர் பிரேம் இயக்கத்தில் உருவாகி இருக்கும் படம் கே.டி. - தி டெவில்.  இப்படத்தின் டீசர் வெளியான நிலையில் படக்குழுவினர் சமீபத்தில் செய்தியாளர்களைச் சந்தித்தனர். அப்போது பேசிய நடிகர் சஞ்சய் தத்,  இந்த படத்தைப் பொறுத்தவரை மிக அற்புதமான அனுபவமாக இருந்தது. இது அட்டகாசமான மாஸ் ஆக்சன் படம், துருவ் சர்ஜா நன்றாக நடித்துள்ளார், அனைவருக்கும் படம் பிடிக்குமென நம்புகிறேன்  என்றார். 

இயக்குநர் பிரேம் பேசுகையில், "கேடி - தி டெவில்" 1970களில் பெங்களூர் நகரின்  தெருக்களுக்குப் பார்வையாளர்களை மீண்டும் கூட்டிச் செல்லும் வகையில் இப்படம் அமைந்துள்ளது. பீரியட் டிராமாவுடன் ஆக்சன் கலவையில், முன்னணி நட்சத்திரங்களின் பங்கேற்பில், இந்த ஆண்டின் மிகவும் எதிர்பார்க்கப்படும் படங்களுள் ஒன்றாக ரசிகர்களிடம் பெரும் ஆவலைத் தூண்டியுள்ளது என்றார். கே.வி.என் புரொடக்‌ஷன்ஸ் வெங்கட் கே.நாராயணா வழங்கும் இப்படம் தமிழ், கன்னடம், தெலுங்கு, மலையாளம் மற்றும் இந்தி ஆகிய மொழிகளில் வெளியாகவுள்ளது.