வெற்றி நடிக்கும் சென்னை பைல்ஸ் - முதல் பக்கம்

சின்னத்தம்பி புரொடக்சன் மகேஸ்வரன் தேவதாஸ் தயாரிப்பில் வெற்றி நடிப்பில் அனீஸ் அஸ்ரப் இயக்கத்தில் உருவாகியுள்ள படம் 'சென்னை பைல்ஸ் - முதல் பக்கம். இந்த படத்தில் வெற்றி, ஷில்பா மஞ்சுநாத் , தம்பி ராமையா,  மகேஷ் தாஸ்,  ரெடின் கிங்ஸ்லி உள்ளிட்ட பலர் நடித்திருக்கிறார்கள்.  ஆகஸ்ட் 1 அன்று இப்படம் வெளியாக உள்ள நிலையில் இப்படத்தின் இசை வெளியீட்டு விழா சமீபத்தில் நடைபெற்றது. இதில் படக்குழுவினர் அனைவரும் கலந்து கொண்டனர். விழாவில் நாயகன் வெற்றி பேசுகையில், நீண்ட நாட்களுக்குப் பிறகு உணர்வுப்பூர்வமான கிரைம் திரில்லர் படத்தை உருவாக்கி இருக்கிறோம். படப்பிடிப்பு தளத்தில் குடும்பமாக இணைந்து பணியாற்றினோம். ஆகஸ்ட் 1 அன்று படம் திரையரங்குகளில் வெளியாகிறது. அனைவரும் பார்த்து ரசித்து பேராதரவு தர வேண்டும் என கேட்டுக்கொள்கிறேன்' என்றார்.

இந்த திரைப்படத்தின் டீசரை விஜய் அண்டனி வெளியிட்டார். அந்த டீசரில் இடம் பிடித்திருக்கும் காட்சிகளும், உரையாடல்களும் ரசிகர்களை வெகுவாக கவர்ந்திருப்பதுடன் படத்தை பற்றிய எதிர்பார்ப்பையும் அதிகரித்திருக்கிறது.