Mr Zoo Keeper திரைவிமர்சனம்

இயக்குனர் மற்றும் எழுத்தாளர் சுரேஷ் இயக்கத்தில்  புகழ் கதாநாயகனாக அறிமுகமாகும் படம் Mr Zoo Keeper (மிஸ்டர் ஜூகீப்பர்). நிஜ புலியுடன் படமாக்கப்பட்ட இந்த படத்தில் ஷிரின் காஞ்ச்வாலா, சிங்கம்புலி, மாரிமுத்து மற்றும் பலர் நடித்துள்ளனர். ஒரு கிராமத்தைச் சேர்ந்த புகழ், காட்டுப் பூனை என நினைத்து புலிக்குட்டியை வீட்டுக்குள் கொண்டு வந்து வளர்க்கிறார். வளர்ந்த புலிக்குட்டியால் புகழ் குடும்பத்தினர் என்னமாதிரியான இன்னல்களுக்கு ஆளானார்கள் என்பதைச் சொல்லும் படமே மிஸ்டர் ஜூ. கீப்பர். விலங்குகள் பாதுகாப்பு மற்றும் காடுகளை அழிப்பதால் ஏற்படும் பாதிப்புகள் குறித்து சொல்லிய இயக்குனர் பாராட்டக்குறியவர்.. புகழ் தனது வழக்கமான நகைச்சுவையிலிருந்து விலகி, ஒரு சீரியஸான கதாபாத்திரத்தை செய்துள்ளார். மற்ற கதாபாத்திரங்களின் நடிப்பும் சுமாராக உள்ளது. சிறந்த நோக்கத்தை கையில் எடுத்த இயக்குனர் திரைக்கதை ஓட்டத்தை சற்று சுவாரஸ்யப்படுத்தி இருந்தால் படம் சிறப்பாக அமைந்திருக்கும். எனினும் விலங்குகள் மீது பாசம் கொண்டவர்களுக்கும், குழந்தைகளுக்கும் மிஸ்டர் ஜூ.கீப்பர் நிச்சயம் பிடிக்கும்