தீபாவளிக்கு வெளியாகும் லவ் இன்சூரன்ஸ் கம்பெனி

பிரதீப் ரங்கநாதன் கதையின் நாயகனாக நடிக்கும் ( லவ் இன்சூரன்ஸ் கம்பெனி' )  LIK  திரைப்படம் இந்த வருட தீபாவளி பண்டிகைக்கு வெளியாகிறது. விக்னேஷ் சிவன் இயக்கத்தில் உருவாகியுள்ள இப்படத்தில் பிரதீப் ரங்கநாதன்,  கிருத்தி ஷெட்டி , எஸ். ஜே. சூர்யா,  யோகி பாபு, கௌரி கிஷன், ஷாரா ஆகியோர் முதன்மையான வேடங்களில் நடித்திருக்கிறார்கள். இவர்களுடன்  சீமான் சிறப்பு தோற்றத்தில் நடித்திருக்கிறார். ஒளிப்பதிவு ரவிவர்மன், இசை அனிரூத்.  ஃபேமிலி என்டர்டெய்னராக தயாராகி இருக்கும் இந்த திரைப்படத்தை ரௌடி பிக்சர்ஸ் சார்பில் தயாரிப்பாளர் நயன்தாரா தயாரித்திருக்கிறார். அவருடன் செவன் ஸ்கிரீன் ஸ்டுடியோ எஸ். எஸ். லலித்குமாரும்‌ இணைந்து தயாரிக்கிறார். இந்த திரைப்படம்  வரும் அக்டோபர் மாதம் 17  ஆம்  தேதி தீபாவளிக் கொண்டாட்டமாக, திரையரங்குகளில் வெளியாகும் என படக்குழு அறிவித்துள்ளது.