பாம் திரைவிமர்சனம்

ஒற்றுமையாக இருந்து பிரிந்த இரண்டு கிராம மக்கள் அடிக்கடி சண்டை போட்டுக் கொள்கிறார்கள். இதனால் கிராமத்தில் இருந்து வெளியேறி, வெளியூரில் வாழலாம் என்று நினைக்கிறார் நாயகன் அர்ஜூன் தாஸ், ஆனால், எந்த நிலையிலும் ஊரை விட்டு வெளியேறப் போவதில்லை என்பதில் உறுதியாக இருக்கும் காளி வெங்கட், திடீரென்று இறந்து விடுகிறார். அவரது இறப்பினால் ஊரே அதிர்ச்சியடைகிறது. அவரது உடலை ஒரு மரத்தடியில் எடுத்துச் சென்று வைக்க, இறந்தவரை சாமி என்று நம்பி, பிரிந்த ஊர் ஒன்றாக சேர்ந்து வணங்க தொடங்குகிறது. அதன் பிறகு என்ன நடக்கிறது என்பதை நகைச்சுவையாக சொல்வதே ‘பாம் படம்’. அர்ஜூன் தாஸ், தனது நடிப்பு மூலம் படத்திற்கு பலம் சேர்த்திருக்கிறார். இப்படி ஒரு கதாபாத்திரத்தில் அர்ஜூன் தாஸை பார்ப்பது புதிய அனுபவமாக இருக்கிறது.. காளி வெங்கட் பிணமாக நடித்து பட்டையை கிளப்பி இருக்கிறார். நாயகி சிவாத்மிகா, சிங்கம்புலி, கிச்சா ரவி, அபிராமி, பால சரவணன், நாசர், ராட்சசன் சரவணன் என அனைவரும் சிறப்பான நடிப்பைக் கொடுத்திருக்கிறார்கள். டி.இமானின் இசையில் பாடல்களும், பின்னணி இசையும் படத்திற்கு பலம் சேர்த்திருக்கிறது. எழுதி இயக்கியிருக்கும் விஷால் வெங்கட், சாதியால் பிரிந்து கிடக்கும் ஊரை ஒன்று சேர்க்க போராடும் ஒருவரது வாயு காற்று எப்படி ஒன்று சேர்க்கிறது என்பதை நகைச்சுவை கலந்து சொல்லியிருக்கிறார். மொத்தத்தில், ‘பாம்’ ஒரு முறைப் பராக்கலாம்.