எழும்பூர் ரயில் நிலையத்தில் சீரமைப்பு: தென் மாவட்ட ரயில் சேவை மாற்றம்

சென்னை, எழும்பூர் ரயில் நிலையத்தில் சீரமைப்பு பணி நடைபெறுவதால் தென் மாவட்ட ரயில் சேவையில் மாற்றம் செய்யப்பட்டுள்ளது.

சென்னை எழும்பூர் ரயில் நிலையத்தில் நடைமேடை சீரமைப்பு பணிகள் நடைபெற்று வருகிறது. இந்த பணிகள் காரணமாக ஏற்கனவே சில ரயில்கள் தாம்பரத்தில் இருந்து இயக்கப்படுகிறது. இந்த நிலையில் சீரமைப்பு பணிகள் காரணமாக, அங்கு இயங்கி வந்த சில முக்கிய விரைவுரயில்கள் தற்காலிகமாக தாம்பரம் ரயில் நிலையத்தில் இருந்து இயக்கப்பட உள்ளன. செப்டம்பர் 10 முதல் நவம்பர் 10, 2025 வரை இந்த மாற்று ஏற்பாடு செய்யப்பட்டுள்ளது என தெற்கு ரயில்வே தெரிவித்து இருந்தது. அதன்படி, நவம்பர் 11-ந்தேதிக்கு பிறகு எழும்பூர் ரயில் நிலையத்தில் வழக்கம் போல ரயில்கள் இயக்கப்படுமா? என்ற கேள்வி பயணிகள் மத்தியில் எழுந்தது.

இந்த நிலையில், எழும்பூர் ரயில் நிலையத்தில் இருந்து தென் மாவட்டங்களுக்கு புறப்படும் ரயில் சேவையில் மீண்டும் மாற்றம் செய்யப்படுவதாக தெற்கு ரயில்வே அறிவித்துள்ளது. அதன் விபரம் பின்வருமாறு;-

உழவன் எக்ஸ்பிரஸ் நவ. 10 முதல் 29 வரை தஞ்சாவூர் - தாம்பரம் இடையே இயக்கப்படும். கொல்லம் - சென்னை அனந்தபுரி அதிவிரைவு ரயில் நவ.10 முதல் 29 வரை தாம்பரம் வரை இயக்கம். ராமேஸ்வரம் - சென்னை சேதுஅதிவிரைவு ரயில் நவ.10 முதல் 29 வரை தாம்பரம் வரை இயக்கம்.

ராமேஸ்வரத்தில் இரவு 8.50க்கு புறப்படும் ரயில் தாம்பரத்திற்கு காலை 6.35 மணிக்கு வரும் ராமேஸ்வரம் - சென்னை விரைவு ரயில் நவ. 10 முதல் 29 வரை தாம்பரம் வரை இயக்கம். ராமேஸ்வரத்தில் மாலை 17.50க்கு புறப்படும் ரயில் தாம்பரத்திற்கு காலை 6.45 மணிக்கு வரும். மறு அறிவிப்பு வரும் வரை குருவாயூர் விரைவு ரயில் தாம்பரத்தில் இருந்து இயக்கப்படும் சென்னை எழும்பூர் - மும்பை சிஎஸ்எம்டி அதிவிரைவு ரயில் சென்னை கடற்கரையில் இருந்து புறப்படும் பராமரிப்பு காரணமாக சென்னை எழும்பூருக்கு ரயில் செல்லாது என அறிவிக்கப்பட்டுள்ளது.