கும்கி 2’-க்காக கடும் குளிரில் படப்பிடிப்பு

பிரபு சாலமன் இயக்கத்தில் புதுமுகம் மதி ஹீரோவாக நடித்துள்ள படம், ‘கும்கி 2’. சுகுமார் ஒளிப்பதிவு செய்துள்ள இதை பென் ஸ்டூடியோஸ், பென் மருதர் சினி என்டர்டெய்ன்மென்ட்ஸ் சார்பில் ஜெயந்திலால் காடா, தவல் காடா தயாரித்துள்ளனர். நிவாஸ் கே பிரசன்னா இசை அமைத்துள்ளார். கும்கி வெற்றியைத் தொடர்ந்து அதன் இரண்டாம் பாகத்தை இயக்கி முடித்துள்ளார் பிரபு சாலமன். இப்படத்தில் அறிமுக நாயகன் மதி, ஸ்ரீதா ராவ், ஆண்ட்ரூஸ், அர்ஜுன் தாஸ், ஆகாஷ், ஸ்ரீநாத், ஹரிஷ் பெரடி மற்றும் இயக்குநர் திருச்செல்வம் உட்பட பலர் நடித்திருக்கிறார்கள். இந்நிலையில் இப்படத்தின் செய்தியாளர்கள் சந்திப்பு சமீபத்தில் நடைபெற்றது. இதில் கலந்து கொண்டு பேசிய இயக்குநர் பிரபு சாலமன், “இப்படத்திற்காக நாங்கள் கடந்து வந்த பாதைகள், பட்ட பாடுகள் சொல்லி முடியாது. இதற்காக என்னுடன் உழைத்த தொழில்நுட்ப கலைஞர்கள் எடிட்டர் புவன், கலை இயக்குனர் தென்னரசு, ஒளிப்பதிவாளர் சுகுமார் மதி, ஆன்ட்ரோ, ஷ்ரதா, அர்ஜுன் தாஸ் மற்றும் நிறைய நடிகர்கள் பங்கெடுத்திருக்கிறார். நெல்லையம்புதி என்ற இடத்தில் இடத்தில் மின்சாரம் இல்லாமல், நெட்வொர்க் இல்லாமல் படப்பிடிப்பு நடத்தினோம். படக்குழுவினர் மிகவும் சிரமப்பட்டார்கள். இசையமைப்பாளர் நிவாஸ் கே பிரசன்னா ஆன்மாவை கொடுத்து சிறந்த படமாக கும்கி2 வைக் கொடுத்திருக்கிறார் என்றார்.