முதல்வர் மு.க.ஸ்டாலினுடன் வைகோ, சண்முகம் சந்திப்பு

சென்னை, சென்னையில் முதல்வர் மு.க.ஸ்டாலினுடன் ம.தி.மு.க. பொதுச் செயலாளர் வைகோ, மார்க்சிஸ்ட் சண்முகம் சந்தித்து பேசினர். 

அண்ணா அறிவாலயத்தில் தமிழ்நாடு முதல்வரும், தி.மு.க. தலைவருமான மு.க.ஸ்டாலினை சந்தித்து ம.தி.மு.க. பொதுச் செயலாளர் வைகோ ஒரு அழைப்பிதழை வழங்கினார். அதிலும் குறிப்பாக ஜனவரி 2-ம் தேதி ம.தி.மு.க. சார்பில் மது ஒழிப்பு நடைபயணம் தொடங்க இருக்கிறது.அந்த மது ஒழிப்பு நடைபயணத்திற்கான அழைப்பிதழை வழங்கி, அந்த மது ஒழிப்பு நடைபயணத்தில் தொடங்கி வைப்பதற்காக முதல்வரை ம.தி.மு.க.வின் பொதுச் செயலாளர் அழைப்பு விடுத்தார். 

அதனை தொடர்ந்து மார்க்சிஸ்ட் கம்யூனிஸ்ட் கட்சியின் மாநில செயலாளர் சண்முகம் மற்றும் முக்கிய நிர்வாகிகள் தமிழ்நாடு முதல்வரை சந்தித்து பல்வேறு கோரிக்கைகளையும், முக்கிய ஆலோசனைகளையும் மேற்கொண்டனர். மேலும் குறிப்பாக தமிழ்நாடு முதல்வரை சந்தித்த மார்க்சிஸ்ட் கம்யூனிஸ்ட் கட்சி நிர்வாகிகள் எஸ்.ஐ.ஆர். பணி பாதிப்பு குறித்தும், பாராளுமன்றத்திற்கு உள்ளேயும், வெளியேயும் குரல் கொடுப்பது தொடர்பாகவும், ஆலோசிக்கப்பட்டதாக செய்தியாளர் சந்திப்பின்போது எம்.பி. தெரிவித்தார்.