சிறையில் இருக்கும் லல்லு ஜாமீன்கோரி மனுத்தாக்கல்

புதுடெல்லி,நவ.26 - மாட்டு தீவன ஊழல் வழக்கில் முன்னாள் முதல்வர் லல்லு பிரசாத் யாதவ், ஜமீன் கேட்டு சுப்ரீம்கோர்ட்டில் மனுத்தாக்கல் செய்துள்ளார். 

ராஷ்ட்ரீய ஜனதாதளம் கட்சி தலைவரும் முன்னாள் மத்திய ரயில்வே அமைச்சருமான லல்லு பிரசாத் யாதவ், பீகார் மாநில முதல்வராக இருந்தபோது நடந்த மாட்டுத்தீவன ஊழல் வழக்கில் 5 ஆண்டுகள் சிறைத்தண்டனை பெற்று சிறையில் இருக்கிறார். தற்போது ராஞ்சி மத்திய சிறையில் உள்ளார். சுப்ரீம்கோர்ட்டு தீர்ப்பின்படி அவரது எம்.பி. பதவியும் பறிக்கப்பட்டுவிட்டது. சிறையில் இருக்கும் லல்லு பிரசாத் யாதவ், ஜாமீன் மனுக்கேட்டு ஜார்க்கண்ட் மாநில ஐகோர்ட்டில் மனுதாக்கல் செய்திருந்தார். அவரது ஜாமீன் மனு கடந்த 31_ம் தேதி தள்ளுபடி செய்யப்பட்டது. இந்தநிலையில் லல்லு பிரசாத் யாத்வ் நேற்று ஜாமீன் கோரி சுப்ரீம்கோர்ட்டில் மனுத்தாக்கல் செய்துள்ளார். வருகின்ற 29_ம் தேதி இந்த மனுவான விசாரணைக்கு வருகிறது. மனு தள்ளுபடி செய்யப்படுமா? அல்லது லல்லுவுக்கு ஜாமீன் கிடைக்குமா என்பதை பொருத்திருந்துதான் பார்க்க வேண்டும்.