உணவுப் பணவீக்கம் 9.80 சதவீதமாக உயர்ந்துள்ளது

புதுடெல்லி, ஆக.26 - உணவுப் பொருள் பணவீக்கம் 9.80 சதவீதமாக உயர்ந்துள்ளது. ஆகஸ்ட் 6 ம் தேதியுடன் முடிவடைந்த வாரத்தில் 9.03 சதவீதமாக இருந்த உணவுப் பொருள் பணவீக்கம் கடந்த ஆகஸ்ட் 13 ம் தேதியுடன் முடிவடைந்த வாரத்தில் 9.80 சதவீதமாக உயர்ந்துள்ளது என்று புள்ளிவிபரங்கள் கூறுகின்றன. காய்கறிகள், உருளைக்கிழங்கு, புரதச்சத்து நிறைந்த உணவுப்பொருட்கள் ஆகியவற்றின் விலைகள் உயர்ந்ததாலேயே இந்த உணவுப் பணவீக்கமும் உயர்ந்துள்ளது என்று வல்லுனர்கள் கூறுகின்றனர். பழங்களின் விலைகளும் கடந்த வாரம் அதிகரித்துள்ளது. மற்றபடி எரிபொருட்களின் விலைகளில் எந்த மாற்றமும் இல்லை என்றும் அந்த வல்லுனர்கள் தெரிவித்துள்ளனர்.