முக்கிய செய்திகள்

ஆரோக்கிய வாழ்விற்கு நல்ல உணவு பழக்கம் தேவை. நல்ல உணவே நலம் தரும் மருந்தாகும்

திங்கட்கிழமை, 30 ஜனவரி 2017      வாழ்வியல் பூமி
meals

Source: provided

தற்போது அதிக அளவு எடையால் பல நோய்கள் நம்மை தாக்குகின்றது. இதற்கு நம் உணவு பழக்கமும் ஒரு காரணமாகும். உடல் எடை குறைக்க சிறந்த சில குறிப்புகள் இங்கே உள்ளது படித்து பயன் பெறவும்.

வாழை இலை உணவு: வாழை இலையில் உணவுகளை உண்பதால் அதன் ருசியின் தன்மை அதிகரிப்பதை நாம் உணர்ந்துள்ளோம். கம்ப்யூட்டர் யுகத்தில் வாழும் நாம் கம்ப்யூட்டர் இலையில் சாப்பிடும் நிலையில் உள்ளோம். வாழை இலையில் சாப்பிடுவதால் பல நண்மைகள் உள்ளது. இள நரை வராமல் முடி கருமையாக இருக்கும். உணவில் உள்ள நச்சுக் கிருமிகளை வாழை இலை அழிக்க வல்லது. தொடர்ந்து வாழை இலையில் சாப்பிட்டு வந்தால் சருமம் பளபளப்பாக இருக்கும். வயிற்று புண் குணமடையும், ஜீரண சக்தி அதிகரிக்கும்.

வெறும் வயிற்றில் தண்ணீர் குடிப்பது: நாம் காலையில் எழுந்தவுடன் வெறும் வயிற்றில் தண்ணீர் குடிப்பதால் வயிற்றில் உள்ள நச்சுகள், கழிவுகள், வெளியேற்றப்படும். இரத்தத்தில் உள்ள சிவப்பனுக்கள் அதிகமாக வளர உதவும். அதிகப்படியான உடல் எடை குறையும், குடல் இயக்கம் சீரடையும்.
தொப்பை குறைக்க உதவும் ஓமம்: ஓமம் பசியை தூண்டக்கூடியது. ஓமத்தை பொடியாகவோ அல்லது தண்ணீரில் கொதிக்க வைத்தோ பயன்படுத்தினால் ஜீரண சக்தி அதிகரிக்கும். வயிற்று பொறுமல் நீங்கும். வயிற்றில் உள்ள பல பிரச்சினைகள் தீரும். ஆஸ்துமா வராது. ஓம எண்ணை மூட்டு வலியை போக்க வல்லது. தொப்பையை குறைக்க இரவில் அண்ணாசி பழத்துண்டுகள் நான்குடம் ஓமப்பொடி இரு ஸ்பூன் எடுத்து தண்ணீரில் கொதிக்க வைத்து அதிகாலையில் அந்த தண்ணீரை குடித்து வந்தால் தொப்பை காணாமல் போய்விடும்.

இரத்தத்தில் உள்ள கொலஸ்ட்ராலை குறைக்கும் கொத்தமல்லி: கொத்தமல்லியில் உள்ள கால்சியம் இரும்பு சத்துகள் சேர்ந்து செயல்படும் போது ரத்தக்குழாயில் உள்ள ரத்த அழுத்தம் சீராக்கப்படுகின்றது. இதனால் இதய நோய் மற்றும் மாரடைப்பு ஏற்படாமல் தடுக்கப்படுகின்றது. கொத்த மல்லியினால் ரத்த சோகை வராது, எழும்புகளுக்கு தேவையான வைட்டமின் இ சத்து இதில் உள்ளதால் எழும்புகள் பலப்படுகின்றது. செரிமான என்சைம்களை சுரப்பதை தூண்டுவதைப்போல் இன்சுலின் சுரப்iயும் கொத்தமல்லி தூண்டுகின்றது. சக்கரை நோயாளிகள் கொத்தமல்லியை திணமும் உணவில் சேர்த்துக்கொள்ளலாம். இதில் உள்ள வைட்டமின் ஏ,சி,பாஸ்பரஸ் உள்ளிட்ட தாது உப்புகள் பார்வை குறைபாட்டை தடுக்கிறது. ஒலியாக்,பாமிடிக்,ஸ்டியாக், அஸ்கார்பிக் அமில்கள் கொலஸ்ட்ராலை குறைக்கிறது. இதனல் அதிக ஏடை மற்றும் இதய நோய்களை கட்டுப்படுத்துகின்றது.

உடல் எடை குறைக்க முட்டைகோஸ்: நமக்கு எளிதில் கிடைக்கக் கூடியது முட்டைகோஸ். இதில் பைட்டோ நியூட்ரியண்டுகள் மற்றும் வைட்டமின் எ, சி, கே. உள்ளன இவை உடலில் ஏற்படும் புற்று நோய்கள் மற்றும் இதய நோய்கள் வராமல் தடுக்க வல்லது. நரம்புத் தளர்ச்சியை போக்கி கண் பார்வை நரம்புகள் வலுப்பெற உதவுகிறது. செரிமான பிரச்சினைகளை தீர்க்கிறது. அல்சர் குணமடையும். இதில் உள்ள குளுட்டாமைன் முடி உதிர்வை குறைக்கிறது. முட்டைக்கோஸ் பயன்படுத்துவதால் உடல் பருமன் குறைகின்றது.

நம் உடல் நலனை பாதுகாக்க உடற் பயிற்சியுடன் நல்ல உணவுகளை உட் கொள்ள வேண்டும்.

இதை ஷேர் செய்திடுங்கள்:

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2021 Copyright Thinaboomi. All Rights reserved. No reproduction of any sort is permitted.