புது டெல்லி: சி.பி.எஸ்.இ., நடத்தும் மத்திய ஆசிரியர் தகுதித் தேர்வு டிசம்பர் மாதம் 16-ம் தேதி முதல் அடுத்த ஆண்டு ஜனவரி 13-ம் தேதி வரை நடக்கவுள்ளது.
சி.பி.எஸ்.இ., எனப்படும் மத்திய இடைநிலை கல்வி வாரியம் வெளியிட்டுள்ள அறிவிப்பு:சி.டி.இ.டி., எனப்படும் மத்திய ஆசிரியர் தகுதி தேர்வு டிசம்பர் 16-ம் தேதி முதல், அடுத்த ஆண்டு ஜனவரி 13-ம் தேதி வரை நடத்தப்படுகிறது. இதற்கான பாடத்திட்டம், மொழி, தகுதி, தேர்வுக் கட்டணம், தேர்வு மையங்கள் மற்றும் தேர்வு தேதிகள் உள்ளிட்ட விபரங்கள் www.ctet.nic.in என்ற இணையதளத்தில் இன்று வெளியிடப்படும். தேர்வு எழுத விரும்புவோர் இதே இணையதளத்தில் ஆன்லைன் வாயிலாக விண்ணப்பிக்க வேண்டும். இவ்வாறு அதில் கூறப்பட்டுள்ளது.
