முக்கிய செய்திகள்
Idhayam Matrimony

224 தர குறியீடுடன் அதிக காற்று மாசுபாடு: பாகிஸ்தானின் கராச்சிக்கு உலகளவில் 3வது இடம்

சனிக்கிழமை, 22 ஜனவரி 2022      உலகம்
Image Unavailable

உலகில் அதிக காற்று மாசுபாடு உடைய நகரங்களில் பாகிஸ்தானின் கராச்சி 3வது இடம் பிடித்து உள்ளது.

ஆண்டுதோறும் காற்று மாசுபாட்டால் லட்சக்கணக்கானோர் உயிரிழக்கின்றனர். மாசடைந்த காற்றை சுவாசிக்க கூடிய நபருக்கு இருதய நோய், சுவாச கோளாறுகள், நுரையீரல் தொற்றுகள் உள்ளிட்ட வியாதிகள் ஏற்படும் ஆபத்துகள் உள்ளன என பல ஆய்வு முடிவுகள் தெரிவிக்கின்றன.

காற்று மாசுபாட்டால் ஒவ்வோர் ஆண்டும் ஸ்டிரோக், இருதய நோய், சுவாச பாதிப்புகள் உள்ளிட்டவை அதிகரித்து ஆண்டுக்கு 70 லட்சம் பேர் உயிரிழக்கின்றனர் என உலக சுகாதார அமைப்பு தெரிவித்து உள்ளது. காற்று தர குறியீடானது தினமும் காணப்படும் காற்றின் தரம் பற்றிய அறிக்கையை தெரிவிக்கும் குறியீடாகும்.  இதனை அரசு அமைப்புகள் மக்களிடம் தெரிவிக்கின்றன.  இதனால் ஒரு நகரானது எந்த அளவுக்கு தூய்மையாக உள்ளது அல்லது காற்று மாசுபாடு அடைந்துள்ளது என்பது தெரிய வரும்.

இதன்படி, பாகிஸ்தானின் கராச்சி நகரம் 224 காற்று தர குறியீடு கொண்டுள்ளதுடன், உலகளவில் அதிக காற்று மாசுபாடு உடைய நகரங்களின் வரிசையில் 3வது இடம் பிடித்து உள்ளது.

இதை ஷேர் செய்திடுங்கள்:

Idhayam Matrimony
View all comments

வாசகர் கருத்து