முக்கிய செய்திகள்
Idhayam Matrimony

வரும் 25-ம் தேதி 3-வது முறையாக நடக்கும் குற்றாலம் பேரூராட்சி தலைவர் தேர்தல்

சனிக்கிழமை, 14 மே 2022      தமிழகம்
vote-2022-05-14

Source: provided

தென்காசி : குற்றாலம் பேரூராட்சி தலைவர் தேர்தல் வருகிற 25-ம் தேதி நடைபெறுகிறது. 

தென்காசி மாவட்டம் குற்றாலம் சிறப்பு நிலை பேரூராட்சி தலைவருக்கான மறைமுக தேர்தல் இரண்டாவது முறையாக கடந்த மார்ச் 26-ம் தேதி ஒத்திவைக்கப்பட்டது. போதிய உறுப்பினர்கள் வருகை தராததால் மறைமுக தேர்தல் ஒத்திவைக்கப்படுவதாக அறிவிக்கப்பட்டது.

இந்நிலையில் தேர்தல் கடந்த 2 முறை ஒத்திவைக்கப்பட்ட நிலையில் குற்றாலம் பேரூராட்சி தேர்தல் வரும் 25-ம் தேதி நடைபெறும் என்று அறிவிக்கப்பட்டுள்ளது.  தேர்தலுக்கு பலத்த போலீஸ் பாதுகாப்பு அளிக்கப்படும்  என்றும் தெரிவிக்கப்பட்டுள்ளது. 

இதுகுறித்து குற்றாலம் சிறப்புநிலை பேரூராட்சி செயல் அலுவலர் விடுத்துள்ள அறிக்கையில், குற்றாலம் சிறப்புநிலை பேரூராட்சி, பேரூராட்சி தலைவரை தேர்ந்தெடுப்பதற்காக பேரூராட்சி உறுப்பினர்களின் கூட்டம் வரும் 25.05.2022 அன்று 9.30 முற்பகல் மணிக்கு குற்றாலம் சிறப்புநிலை பேரூராட்சி மன்ற கூட்ட அரங்கில் நடைபெறும். தவறாமல் கூட்டத்தில் கலந்து கொள்ளுமாறு பேரூராட்சி அனைத்து வார்டு உறுப்பினர்களும் கோரப்படுகிறார்கள் என்று தெரிவிக்கப்பட்டுள்ளது. 

இதை ஷேர் செய்திடுங்கள்:

Idhayam Matrimony
View all comments

வாசகர் கருத்து