கருணாஸ் மகன் கென் இசையமைக்கும் சல்லியர்கள்

ICW நிறுவனம் சார்பில் கருணாஸ் மற்றும் கரிகாலன் இணைந்து தயாரித்துள்ள படம் சல்லியர்கள். கிட்டு இயக்கத்தில் உருவாகியுள்ள இப்படத்தில் கருணாஸ் மகன் கென் இசையமைப்பாளராக அறிமுகமாகி இருக்கிறார். இந்தப்படத்தின் இசை மற்றும் முன்னோட்டம் வெளியீட்டு விழா சமீபத்தில் சென்னையில் நடைபெற்றது.  இதில் கலைப்புலி தாணு, இயக்குநர்கள் வெற்றிமாறன், சீனுராமசாமி, உள்ளிட்ட பலர் கலந்து கொண்டனர். இவ்விழாவில் கருணாஸின் மகன் கென் பேசும்போது, இந்த சல்லியர்கள் படம் பற்றி சொன்னபோது ஆரம்பத்தில் எனக்கு எதுவும் புரியவில்லை. இதைப்பற்றி புரிந்து கொள்ளவே எங்களுக்கு ஒரு மாதம் ஆகிவிட்டது. உண்மையை சொல்லப்போனால் இயக்குனர் கிட்டுவுடன் வேலை பார்ப்பது ரொம்பவே கஷ்டம். ஆனால் அதன்பிறகு கதையை உள்வாங்கி இசையமைக்கத் துவங்கினோம் என்றார். இப்படத்தில் கென்னுடன் இணைந்து ஈஸ்வரும் இசையமைத்துள்ளார்.