ஓஹோ எந்தன் பேபி இசை வெளியீட்டு விழா

ரோமியோ பிக்சர்ஸ் மற்றும் விஷ்ணு விஷால் ஸ்டுடியோஸ் தயாரித்து வழங்கும் திரைப்படம் ஓஹோ எந்தன் பேபி. அசோசியேஷன் வித் குட் ஷோ. கிருஷ்ணகுமார் ராம்குமார் இயக்கி இருக்கும் இப்படத்தில் விஷ்ணு விஷாலின் சகோதரர் ருத்ரா கதாநாயகனாக அறிமுகமாகிறார். ஜூலை 11 அன்று வெளியாகும் இப்படத்தின் இசை மற்றும் டிரெய்லர் வெளியீட்டு விழா சென்னையில் சமீபத்தில் நடைபெற்றது. அப்போது பேசிய விஷ்ணு விஷால், ருத்ரா எனது பெரியப்பா மகன் எனது சொந்தத் தம்பி இல்லை. நான் சினிமாவில் நடிக்க வேண்டும் என்பதை எனது பெரியப்பா தான் ஃபோர்ஸ் செய்தார். இன்று இந்த மேடையில் நான் இருக்க காரணமே அவர்தான். நிச்சயம் உங்கள் ஆதரவு எங்கள் குடும்பத்திற்கு வேண்டும்" என்றார். பின்னர் பேசிய ருத்ரா, நான் நன்றாக நடித்து இருக்கிறேன் என்றால் அதற்கு காரணம் இயக்குநர் கிருஷ்ணா தான். ஜென் மார்ட்டின் இசை மிகவும் பிடிக்கும். என்னுடைய அண்ணனுக்கு ஸ்பெஷல் நன்றி! அவரிடம் இருந்து நிறைய விஷயங்கள் கற்றுக் கொண்டேன் என்றார்.