முக்கிய செய்திகள்
Idhayam Matrimony

தை மாத அமாவாசையையொட்டி 4 நாட்கள் சதுரகிரி மலைக்கோயிலுக்கு செல்ல பக்தர்களுக்கு இன்று முதல் அனுமதி

புதன்கிழமை, 18 ஜனவரி 2023      ஆன்மிகம்
Chaturagiri 2023-01-18

Source: provided

சதுரகிரி : தை மாத அமாவாசையையொட்டி சதுரகிரி கோயிலுக்கு பக்தர்கள் செல்ல ஜன.19 இன்று முதல் 22 வரை 4 நாள்கள் அனுமதி வழங்கப்பட்டது.

விருதுநகர் மாவட்டம், வத்திராயிருப்பு அருகேயுள்ள சதுரகிரி சுந்தர மகாலிங்கம் கோயிலில் வியாழக்கிழமை(ஜன.19) பிரதோஷமும், சனிக்கிழமை(ஜன.21) அமாவாசை வழிபாடும் நடைபெற உள்ளன. இதையொட்டி, ஜன.19 முதல் 22-ஆம் தேதி வரை 4 நாள்கள் பக்தர்கள் மலைக்கோயிலுக்கு செல்ல வனத் துறையினர் அனுமதி வழங்கினர்.

10 வயதுக்குள்பட்டோர், 60 வயதுக்கு மேற்பட்டவர்களுக்கு மலையேற அனுமதி கிடையாது. கோயிலுக்கு வருபவர்கள் முகக்கவசம் அணிந்திருக்க வேண்டும். உடல் வெப்பநிலை பரிசோதனைக்குப் பிறகே பக்தர்கள் மலை ஏற அனுமதிக்கப்படுவர். கோயிலுக்கு வருபவர்கள் மலைகளில் உள்ள ஓடைகளில் குளிக்கக்கூடாது. கோயிலில் பக்தர்கள் இரவில் தங்க அனுமதி இல்லை. அனுமதிக்கப்பட்ட நாள்களில் பலத்த மழையோ அல்லது நீரோடைகளில் நீர்வரத்து அதிகமாக இருந்தாலோ பக்தர்களுக்கு அனுமதி மறுக்கப்படும் எனத் தெரிவித்தனர்.

தை அமாவாசையையொட்டி, போக்குவரத்துக் கழகம் சார்பில் மதுரை, விருதுநகர், சிவகாசி, ஸ்ரீவில்லிபுத்தூர், ராஜபாளையம் உள்ளிட்ட பகுதிகளிலிருந்து சிறப்புப் பேருந்துகள் இயக்கப்பட உள்ளதாக கோயில் நிர்வாகத்தினர் தெரிவித்தனர்.

இதை ஷேர் செய்திடுங்கள்:

Idhayam Matrimony
View all comments

வாசகர் கருத்து