10-ம் வகுப்பு பொதுத்தேர்வு : மாணவர்களுக்கு ஹால் டிக்கெட் 27-ம் தேதி வெளியிடப்படுகிறது

சென்னை : 10-ம் வகுப்பு பொதுத்தேர்வு எழுதும் மாணவ, மாணவிகளுக்கு வரும் 27-ம் தேதி ஹால் டிக்கெட் வெளியிடப்படுகிறது. 

இது தொடர்பாக தேர்வு துறை இயக்குனர் சேதுராம வர்மா, அனைத்து மாவட்ட முதன்மை கல்வி அலுவலர்களுக்கும் அனுப்பிய சுற்றறிக்கையில் கூறியிருப்பதாவது, 

10-ம் வகுப்புக்கான பொதுத்தேர்வை எழுத உள்ள மாணவ, மாணவிகளுக்கான ஹால் டிக்கெட் வருகிற 27-ம் தேதி வெளியிடப்படுகிறது. இதையடுத்து அந்தந்த பள்ளிகளின் தலைமை ஆசிரியர்கள் www.dge.in.gov.in என்ற இணையதளத்தில் ஹால் டிக்கெட்டுகளை பதிவிறக்கம் செய்து கொள்ளலாம். 

பொதுத்தேர்வுக்கான பெயர் பட்டியலில் மாணவர் பெயர் உள்ளிட்ட விவரங்களில் ஏதேனும் தவறுகள் இருந்தால் சம்பந்தப்பட்ட தேர்வு மைய கண்காணிப்பாளரை அணுகி திருத்தம் செய்து கொள்ள வேண்டும். இவ்வாறு அதில் கூறப்பட்டுள்ளது.