வேளாண் பட்ஜெட்டுக்கு பாராட்டு: நடிகர் கார்த்திக்கு முதல்வர் பதில்

சென்னை : பாராட்டுக்கு நன்றி எனச் 'சொல்ல மாட்டேன்';இன்னும் பல திட்டங்கள் தீட்டி உழவர் முகத்தில் மகிழ்ச்சி காண 'செயலாற்றுவோம்' என கூறியுள்ளார்.

வேளாண் பட்ஜெட்டில் முக்கிய திட்டங்களை அறிவித்துள்ள முதல்வர் மு.க.ஸ்டாலின் மற்றும் அமைச்சர் எம்.ஏர்.கே.பன்னீர் செல்வத்துக்கு ஆகியோருக்கு நன்றி தெரிவித்து உழவன் பவுண்டேஷன் நிறுவனரும், நடிகருமான கார்த்தி அறிக்கை ஒன்றை வெளியிட்டிருந்தார். இந்நிலையில், கார்திக்கு பதில் அளிக்கும் விதமாக முதல்வர் மு.க.ஸ்டாலின் தனது டுவிட்டர் பக்கத்தில் வெளியிட்ட பதிவில்,

அன்பின் கார்த்தி அவர்களே, உழவர் நலன் காக்கச் செயலாற்றும் உங்களைப் போன்றவர்களின் பாராட்டுகளே எங்களுக்கு ஊக்கம்! உங்கள் கருத்துகளைக் கவனத்தில் கொண்டிருக்கிறோம். பாராட்டுக்கு நன்றி எனச் 'சொல்ல மாட்டேன்'; இன்னும் பல திட்டங்கள் தீட்டி உழவர் முகத்தில் மகிழ்ச்சி காண 'செயலாற்றுவோம்'! இவ்வாறு அவர் பதிவிட்டுள்ளார்.